• USD 378.65
  • EUR 430.07
  • RUB 6
  • CNY 55.1
23 Qyrkúıek, 16:00:26
Kekilbaevqa arnalǵan kesh

22 Tamyz, 2019 Saıasat

Jastar uıymy Nazarbaevtyń saılaýǵa qatysty aıtqanyn synady (vıdeo)

Nazarbaevtyń "Barlyq saılaýlar konstıtýsııalyq merzimde ótedi" degenine kúmánmen qaraıtynyn jasyrmady.

Qazaqstanda 9 maýsymda ótken saılaýdan keıin qurylǵan "Respýblıka qozǵalysy" jastar uıymy eldi 30 jylǵa jýyq bılegen Nursultan Nazarbaevtyń 21 tamyzda bıliktegi "Nur Otan" partııasynyń saıası keńesiniń  keńeıtilgen otyrysynda eldegi saılaý zańdary men ótý merzimine qatysty aıtqan sózine pikir bildirdi dep jazady Qamshy.kz aqparat agenttigi. Bul týraly atalǵan uıymnyń áleýmettik jelidegi paraqshasynda arnaıy vıdeojazba jarııalandy. 

Atalǵan vıdeojazbada "Respýblıka qozǵalysy" jastar uıymynyń ókili Bella Orynbetova Nazarbaevtyń "Parlamen saılaýyna majorıtarlyq júıeni qaıtarý kerek deıtin jekelegen oponentter men blogerler bılikti synaıdy. Olardyń sózi ádettegideı jalań sózge qurylǵan, naqty usynystary joq" dep aıtqanyn synǵa aldy. Orynbetovanyń aıtýynsha, "Parlament saılaýy majorıtarlyq júıede ótse, halyqqa tıimdi bolady". 

"Biz sońǵy ýaqyttarda halyqqa "sen be ediń meni saılaǵan" dep dikeńdegen depýtattardy kórip júrmiz. Bir jaǵynan olardyń sóziniń jany bar. Olardy tańdaǵan halyq emes, olardy tańdaǵan partııa tóraǵasy. Iаǵnı, oılap qarańyzshy, olar partııanyń sózin sóıleıdi me, halyqtyń sózin sóıleıdi me...? Al majorıtarly júıe boıynsha saılanǵan depýtat halyqtyń aldyndaǵy jaýapkershiligin sezinedi", - dedi Orynbetova. 

Sonymen qatar Orynbetova Nazarbaevtyń "Barlyq saılaýlar konstıtýsııalyq merzimde ótedi" degenine kúmánmen qaraıtynyn jasyrmady.  

"Nursultan Ábishuly el basqarǵan 29 jylda qandaı ýádeler bergen edi? "Astana qalasynyń ataýy ózgermeıdi", "teńge quldyramaıdy" degen. Sondyqtan bul jolǵy ýádeniń qanshalyqty senimdi ekenin bir qudaı biledi", - dedi Bella Orynbetova. 

"Respýblıka qozǵalysy" jastar uıymy 2019 jyldyń 9 maýsymynda ótken prezıdent saılaýynan keıin qurylǵan. Atalǵan uıym 24 maýsymda Túrkistan oblysy Arys qalasynda bolǵan jarylys kezinde volenterlyq qyzmet atqardy. Áleýmettik jelide uıym belsendileri qazirgi bılik júıesine qarsy ekenderin ashyq aıtyp júr. 

Oqı otyryńyzdar: Nazarbaev: Barlyq saılaýlar konstıtýsııalyq merzimde ótetin bolady

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir