Atyraýda 130 jas dáriger aýyldarǵa jumys isteýge attandy

Oblysymyzdaǵy aýyldyq okrýgterde jumys isteýge ketken jas medısına qyzmetkerlerine 1 mln teńgeden járdemaqy berildi, dep habarlaıdy Atyraý oblysynyń О́ńirlik kommýnıkasııalar qyzmeti.

Bul týraly О́KQ ótken brıfıngte Atyraý oblystyq densaýlyq saqtaý basqarmasynyń basshysy Mánshúk Aımýrzıeva málimdedi.

–  Aýyldyq eldi mekenderdegi medısınalyq mekemelerge jumys jasaýǵa barǵan jas mamandardy qoldaý úshin bir jolǵy aqshalaı kómek kórsetiledi. Aıta ketý kerek, jumys jasap jatqan medısına qyzmetkerleriniń jalaqysy ósti. Sonymen qatar, "Turǵyn úı qurylys jınaq banki" AQ boıynsha 30 medısına qyzmetkerine jańa páterdiń kilti tabystaldy. Bul jumystar aldaǵy ýaqytta da jalǵasyn taba bermek, – deıdi Mánshúk Aımýrzıeva.

Aıta keteıik, bıyl 1 maýsymnan bastap medısına qyzmetkerlerin qoldaý maqsatynda osy sala qyzmetkerleriniń jalaqysy ósirilgen bolatyn. Atap aıtsaq, medısına qyzmetkerlerdiń jalaqysy 30%-ǵa, al qalǵandaryniki 11%-ǵa ósti. Osy maqsatta respýblıkalyq bıýdjetten 1 mlrd. 729 mln. teńge qarajat bólindi.