• USD 378.65
  • EUR 430.07
  • RUB 6
  • CNY 55.1
18 Qyrkúıek, 11:55:10
Aýyl sharýashylyǵy mınıstrliginiń nazaryna! «Jem shóptiń baǵasy kúıip tur, "Qamshyńa" jazshy», – deıdi ákem

22 Tamyz, 2019 Ǵylym-bilim

Shymkenttegi ýnıversıtette júrgizilgen jospardan tys tekserýdiń nátıjeleri belgili boldy

Oqý ornynda joǵary oqý oryndarynyń qyzmetine qoıylatyn 78 talaptyń 63-i saqtalmaǵandyǵy anyqtalyp otyr.

2019 jylǵy 5-15 tamyz aralyǵynda Qazaqstan Respýblıkasy Bilim jáne ǵylym mınıstrligi Shymkent qalasynyń aımaqtyq áleýmettik-ınnovasııalyq ýnıversıtetinde jospardan tys tekserý júrgizgen bolatyn. Atalǵan oqý ornynda joǵary oqý oryndarynyń qyzmetine qoıylatyn 78 talaptyń 63-i saqtalmaǵandyǵy anyqtalyp otyr.

Jospardan tys tekserý barysynda birqatar buzýshylyqtar anyqtalǵan, atap aıtsaq joǵary jáne joǵary oqý ornynan keıingi bilim berýdiń memlekettik standartynyń talaptary buzylǵan; joǵary oqý oryndary qyzmetiniń úlgilik erejeleriniń talaptary saqtalmaǵan; joǵary oqý oryndarynyń bilim berý qyzmetin lısenzııalaý kezinde qoıylatyn biliktilik talaptaryna sáıkessizdik faktileri anyqtalǵan.

Sondaı-aq, oqýǵa qabyldaý tártibin, bilim alýshylardy aýystyrý jáne qaıta qabyldaý tártibin, akademııalyq demalys berý tártibin saqtamaý faktileri áshkerelenip otyr.

Sabaqqa qatyspaǵan birqatar stýdentterdiń synaq-emtıhan sessııasyna qatysý faktileri taǵy bar. Bul rette, atalǵan stýdentter ýnıversıtetke aqsha tóleı otyryp, sessııaǵa jiberilgen. Vedomost qaǵazdarynda stýdenttiń baǵasy kórsetilmegen, alaıda oqytýshynyń qoly qoıylǵan bos baǵandar bar.

Tipti basqa aımaqtarda turyp jatqan jáne basqa uıymdardyń qyzmetkerleri bolyp tabylatyn adamdardyń ýnıversıtettiń shtattyq qyzmetkerleri bolyp qyzmet etip júrý faktileri anyqtalyp otyr.

Sonymen qatar, Bilim jáne ǵylym mınıstrligine ýnıversıtet túlekterin jumysqa ornalastyrý deńgeıi týraly jalǵan málimetter berilip otyrǵan. Mysaly, 2018 jyly jumysqa ornalasý deńgeıi naqty 34,4 paıyzdy quraǵanymen, ýnıversıtet tarapynan kelgen resmı esepterde 71,3 paıyz bolyp kórsetilgen.

Bilim berý salasyndaǵy zańnamany buzý faktileri boıynsha Mınıstrlik ýnıversıtetke qatysty 3 ákimshilik quqyq buzýshylyq týraly is qozǵady: joǵary oqý oryndary qyzmetiniń úlgilik erejelerin buzǵany úshin, memlekettik bilim berý standartyn saqtamaǵany úshin jáne lısenzııalyq talaptarǵa sáıkes kelmegeni úshin. Búgingi tańda bilim berý salasyndaǵy Zańnamany buzýshylyqtardy joıý týraly uıǵarym shyǵaryldy.

Endigi kezekte ákimshilik óndiris materıaldary osy jyldyń 23 tamyzynda qaralatyn bolady. ÁQBtK-niń osy baptarynyń sanksııalary ákimshilik aıyppul salýdy, sondaı-aq lısenzııanyń qoldanylýyn 6 aıǵa deıingi merzimge toqtatýdy kózdeıdi.

Qabyldanǵan sharalar týraly qosymsha habarlaıtyn bolamyz.

 

QR BǴM baspasóz qyzmeti.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir