Mańǵystaýda máms júıesi jaıynda óńirlik shtab otyrysy ótti

Shtab tóraǵasy, Mańǵystaý oblysy ákiminiń orynbasary Qanybek Bekbolatuly Jumashev tóraǵalyq etken shtab otyrysynda jańa reforma – Áleýmettik medısınalyq saqtandyrý júıesin  halyqqa túsindirý jaıynda másele kóterildi.

–Jyl ótken saıyn halyq sany ósip keledi. Bala týý kórsetkishi de joǵary. On jyl ishinde halyqtyń ortasha ómir súrý jasy da zardy. 10 jyl buryn 60-65 jas bolsa, qazir ortasha jas – 75. Adam jasynyń ulǵaıýy degen sóz astarynda kárilik ómirdiń uzarý uǵymy jatyr. Búgingi tańda 65 jastan asqan asqandar úlesi halyqtyń 10 paıyzyn qurap otyr. Málimetterge súıensek, 2025 jylǵa deıin osy azamattar sany 3 mıllıonǵa deıin jetedi dep kútilýde. 2025 jyly halyqtyń 7 mıllıonǵa jýyǵy balalar bolýy múmkin. Al halyq sany 20 mıllıonǵa jetse, balalar men qarttar 10 mıllıondy quramaq. Osy esep negizinde bolashaqta densaýlyq saqtaý salasyna qansha qarajat jumsalatyndyǵy aldyn ala boljanady. Endigi rette mindetti áleýmettik medısınalyq saqtandyrý júıesin engize otyryp, qosymsha qarajat kózine qol jetkizetin bolamyz, - dedi alǵashqy spıker Erık Ábenuly.

            Oblystyq densaýlyq saqtaý basqarmasy basshysynyń m.a. Ánýar Saǵymbaevtyń aıtýy boıynsha, Mańǵystaýda mártebesi joq adamdar sany – 15 794.

–Mańǵystaýda jaldamaly jumysshylar – 905, ózin-ózi jumyspen qamtyǵandar – 5 527,jumyspen qamtý ortalyqtarynda tirkelmegen jumyssyzdar – 5 019, jumys kúshi quramyna kirmeıtin tulǵalar (JQSh-da jumys isteıtinder, stýdentter, tirkelmegen júkti áıelder, 3 jasqa deıingi balalar kútimindegiler, kóship ketkender, qaıtys bolǵandar) – 827, formalızasııadan bas tartqandar – 1 081, mártebesi anyqtalmaǵandar – 2 435. Bul Eńbek, áleýmettik qorǵaý jáne kóshi-qon komıtetiniń Mańǵystaý oblysy boıynsha departamenti bergen aqparat, - dep atap ótti Á.Saǵymbaev.

MÁMS júıesi týraly syrtqy jarnamalar ornatý, qoǵamdyq oryndarda vıdeo-aýdıo rotasııa, habarlandyrý paraqshalaryn úlestirý oblysta jandanýy tıis. Eger, adandarda, shalǵaı aýyldardaǵy turǵyndar bul aqparatpen tanys bolmasa, olar MÁMS paketindegi qyzmet túrlerin ala almaı, 2020 jyldan bastap enetin jańa reformada  qıyndyqtar týýy múmkin. Sol sebepti, MÁMS júıesi týraly túsindirme jumystaryn júrgizýde qala, aýdan ákimderinen qoldaý kútemiz, - dedi «ÁMSQ» Mańǵystaý fılıalynyń dırektory B.Ismahanbetov.

Otyrys sońynda, shtab tóraǵasy Qanybek Jumashev jańa júıeni qaıtkende qoǵamǵa sińirýge bolatyndyǵyn talqyǵa saldy. Q.Jumashev halyqqa úzdiksiz túsindirý jumystaryn júrgize otyryp, az ýaqytta aqparattandyrýdy kúsheıtýdi qadap aıtty, osy maqsatta quzyrly organdarǵa naqty tapsyrmalar berdi.