Mańǵystaýdaǵy «Zhamal-ai LTD» seriktestigi ındýstrııalyq sertıfıkatqa ıe boldy

«Zhamal-ai LTD» JShS 25 jyldan astam ýaqyt tynbaı jumys istep keledi. Otandyq naryqta ózin tek úzdik jaǵynan kórsetip júr. 

Indýstrııalyq sertıfıkat memlekettik satyp alýǵa qatysýǵa, otandyq taýarlardy, jumystar men qyzmetterdi shetelde kórsetý boıynsha shyǵyndardy óteýge ruqsat beredi.Seriktestik jeńil ónerkásip pen jıhaz jasaýshylar arasynan alǵashqy bolyp osy qujatqa qol jetkizdi.

«Buǵan deıin óndiris oshaǵy ST KZ sertıfıkatymen ónim shyǵaryp keldi. Jańa sertıfıkatty alý úshin tıisti dáleldi qujattar jınaqtadym. О́ndiris ǵımaratyn, qarqyndy jumys istep turǵan óndiristi, otandyq ónim shyǵaryp jatqanynyn, tehnıkalaryn arnaıy komıssııa tekserdi. Sonan soń alǵashqy bolyp bizdiń kásiporynǵa berýge sheshim qabyldady»,- deıdi sertıfıkattaý jónindegi ınjener Bolat Dúısekeshev.

Al, Mańǵystaý oblysy kásipkerler palatasynyń sertıfıkattaý jónindegi 1-sanatty mamany Ashat Ysqaqov: «Indýstııalyq sertıfıkattyń talaptaryna saı qujattar tizimi berildi. Elimizdegi 28 sarapshy mamandy usynyp, bireýi tańdaldy. Oǵan kásiporynnyń qujattaryn jiberip, tekseristen ótti. Sarapshynyń oń qorytyndysy kelgen soń, mamandar toby arnaıy baryp tekserip, laıyqty dep tapty. «Zhamal-ai LTD» JShS 268 taýar túrine arnalǵan ındýstrııalyq sertıfıkatqa ıe boldy»,-deıdi.

Jeńil ónerkásip salasynda kásiporyn birneshe ret respýblıkalyq, oblystyq jáne qalalyq kórmelerdiń jeńimpazy jáne júldegeri boldy. Munda 160 adam eńbek etedi. Kásiporyn sehtary zamanaýı joǵary tehnologııalyq jabdyqtarmen qamtamasyz etilgen.

Kásiporyn arnaıy jumysshy kıimi men aıaq kıimderin óndirýden bólek, halyqqa arnalǵan kúndelikti aıaq kıim shyǵarýǵa da kiristi. Arnaıy kıimder munaıshylarǵa áskerı kúsh qurylymdaryna, quqyq qorǵaýshylarǵa, medısına qyzmetkerlerine arnap tigilýde.Lıseılerge arnalǵan oqýshylardyń mektep formasy da tiginshiler qolynan shyǵady.

Atap aıtqanda, «Sharkey» brendi – bul sándi, ádemi jáne joǵary sapaly bylǵarydan jasalǵan aıaq kıim. Barlyq otbasyna, ıaǵnı er adam, áıel, balalarǵa arnalǵan aıaq kıimdersapasy jaǵynan jaqsy tanylǵan otandyq ónim.

О́ndiristi keńeıtý maqsatynda 2017 jyly 100%  maqtadan jasalǵan kıimder tigý tehnologııasy engizildi. Polo jeıdeleri, uzyn jáne qysqa jeńdi fýtbolkalar, balalar polosy, balalar sport kıimi osy sanatqa jatady.  Qazirgi ýaqytta naryqtaǵy barlyq ónim tutynýshylardyń úlken suranysyna ıe.

«Zhamal-ai LTD» JShS dırektory Zıbıra Hasanovanyń aıtýynsha, kásiporyn jylyna19 myń dana arnaıy kıim tigip otyr. Sonymen qatar, jylyna 100 myń jup arnaıy aıaq kıim men  30 myń jupmakasınshyǵaryp keledi. Keıbir aıaq kıimderdiń tabany osynda quıylady. Shıkizattar Reseı men Italııa, Túrkııadan jetkizilýde.

Sapaly ónimder Aqtaý men Jańaózen qalalarynda saýdalanyp jatyr. Munnan bólek Astana men Almaty qalalarynda da saýda núkteleri bar.

Jaqynda Atyraýdan da ashý josparda bar.Qyrkúıek aıynyń 3 men 6 aralyǵynda Máskeýde kórmege qatysyp, kásiporyn ónimderi halyqaralyq naryqqa jol tartpaqshy. Maqsat - "Qazaqstanda jasalǵan" tańbasymen otandyq taýarlardyń eksport aıasyn keńeıtý.