"Bul – seniń máseleń ǵoı": Nazarbaev bılikten kómek suraǵan analar men oralmandardy synady

Nazarbaev bılikten kómek suraǵan kóp balaly analar men oralmandardy synady dep jazady Qamshy.kz aqparat agenttigi. 

"Táýelsizdik alǵannan keıingi jyldary kún saıyn júzdegen málimdeme jasap, el ishinde myńdaǵan sapar jasadym. Sebebi jumys ta, aılyq ta joq edi. Dúken sóreleri bos turatyn. Sol kezde bári aqsha ber deıtin. Memlekette aqsha joq bolsa neni beredi? Qazir sol otyz jyl burynǵy lozýngini kóterip, "maǵan ber, meniń balam kóp, aılyǵym az" deıdi. Sen ne oıladyń? Bul – seniń máseleń ǵoı, sen buryn memleketpen aqyldaspadyń ǵoı", - dedi Nazarbaev. 

Sondaı-aq memleketten kómek suraıtyn oralmandar týraly da sóz qozǵady. 

"1 mıllıon qazaqty shaqyrdyq. Bulaı birde-bir el jasamady. Olarǵa balalaryń úılensin, óssin desek, [oralmandar] maǵan ber dep aqsha suraıdy. Jumys isteńder! Jumys istemese eshteńe bolmaıdy" , -deıdi Nazarbaev.