Jambylda mal basy artyp keledi

Jambyl oblysynda mal sharýashylyǵyn damytýǵa bas nazar aýdarylyp keledi. Osyǵan oraı, júrgizilgen jumystar nátıjesin berip, aımaqta mal basy artyp otyr dep jazady Qamshy.kz aqparat agenttigi. 

2019 jyldyń 1 tamyzyna oblystaǵy barlyqsanattaǵy sharýashylyqtarda tiri salmaqta 60 981,8 tonna et óndirilip, 2018 jyldyń osy kezeńimen salystyrǵanda 1 903,6 tonnaǵa nemese 3,2 paıyzǵa artty.Barlyq sanataǵy sharýashylyqtarda 182 581,2 tonna sút óndirilip, aldyńǵy jylmen salystyrǵanda 5 136,8 tonnaǵa, ıaǵnı 2,9 paıyzǵa ósti. Aǵymdaǵy jyldyń 7 aıynda 76 543,6 myń dana taǵamdyq jumyrtqa óndirilip, ótken jylǵa qaraǵanda 8,5 paıyzǵa artty. Sharýashylyq sýbektilerinde 5 016,7 tonna jún óndirilip, aldynǵy jylǵa qaraǵanda 2,3 paıyzǵa artyq boldy.

Aǵymdaǵy jyldyń ótken kezeńinde aýyl sharýashylyǵy maldarynyń barlyq túrleri boıynsha turaqty ósý dınamıkasy baıqalýda. Atap aıtqanda, múıizdi iri qaranyń sany 2019 jyldyń 1 tamyzyna 440 425 basty qurap, 2018 jylmen salystyrǵanda 29 079 basqa ósti. Sonyń ishinde sıyr sany 187 369 basqa jetip, ótken jylmen salystyrǵanda 13 836 basqa ıaǵnı 8 paıyzǵa artty. Qoı men eshki bas sany 3 323 121 basqa jetip, 2018 jylmen salystyrǵanda 124 457 basqa, ıaǵnı 3,9 paıyzǵa ósti. Jylqy sany 2019 jyldyń 1 shildesine 141 904 basty qurap, 2018 jylmen salystyrǵanda 10 296 basqa, ıaǵnı 7,8 paıyzǵa ósti. Sondaı-aq, túıe bas sany 7 405 basty qurady. 2018 jylmen salystyrǵanda 553 basqa nemese 8,1 paıyzǵa kóbeıdi.

Jambyl oblysynda 2018-2027 jyldar aralyǵynda etti mal sharýashylyǵyn damytýǵa arnalǵan uzaq merzimge josparlanǵan salalyq baǵdarlama qabyldanyp, ındıkatıvti kórsetkishteri bekitildi. Jalpy osy baǵdarlama aıasynda 2018-2027 jyldar aralyǵynda oblysqa alys-jaqyn shet elden 36,0 myń basqa jýyq MIQ malynyń analyq basyn satyp alý josparlanǵan.

О́tken jyly «KazAgro» UBH nesıelik qarjy ınstıtýttaryna arqyly 8208 bas MIQ satyp alýǵa 34 sharýashylyqtan ótinim túsken, osydan 7818 basqa maquldanyp naqty 1 703 bas ákelindi. Sondaı-aq, osy baǵdarlama aıasynda 77 taýaróndirýshige 948,6 mln. teńge nesıe berilip 32,2 myń bas qoı satyp alyndy, 2017 jyly osy baǵdarlama arqyly 18,4 myń bas qoı satyp alynǵan bolatyn. Aǵymdaǵy jyly qarjy uıymdaryna osy baǵyt boıynsha 4550 bas MIQ satyp alýǵa 37 ótinim túsip, maquldanǵan (2104 bas) 26 ótinim boıynsha 1694 bas MIQ satyp alýǵa 656,0 mln.teńge bólindi.Jyl basynan beri oblysqa 2912 bas MIQ maly alyp kelindi.