• USD 378.65
  • EUR 430.07
  • RUB 6
  • CNY 55.1
18 Qyrkúıek, 11:56:59
Aýyl sharýashylyǵy mınıstrliginiń nazaryna! «Jem shóptiń baǵasy kúıip tur, "Qamshyńa" jazshy», – deıdi ákem

21 Tamyz, 2019 Aımaqtar

Jambyl oblysynda et eksportyna erekshe kóńil bólinip otyr

Áýlıeata óńiriniń asyraýshy salasy bolyp sanalatyn aýyl sharýashylyǵyna jyl ótken saıyn qoldaý kólemi artyp keledi. Nátıjesinde, aımaqta egis alqaptarynyń aýdany artyp, mal basy da eselenip keledi. Tıisinshe, tórt túlikten alynatyn ónim de ulǵaıýda. Oblysta ásirese, et eksportyna den qoıylýda dep jazady Qamshy.kz aqparat agenttigi. 

Qazaqstan Respýblıkasy Aýyl sharýashylyǵy mınıstrliginiń tapsyrmasyna sáıkes 2018 jyly Jambyl oblysy boıynsha 1 myń tonna sıyr jáne 1,5 myń tonna qoı eti eksportqa shyǵarylýy tıis bolsa, esepti kezeńde oblystaǵy taýaróndirýshiler eksportqa barlyǵy 1 014,1 tonna sıyr jáne 1 659,1 tonna qoı etin shyǵardy. Sıyr etin eksporttaý boıynsha Memorandýmda belgilengen kórsetkishtiń oryndalýy 101,4 %, qoı eti eksporty boıynsha 109,1 % qurady. 2019 jylǵa bekitilgen josparǵa sáıkes oblystan 1500 tonna sıyr eti eksportqa shyǵarylýy tıis. Aǵymdaǵy jyl basynan beri taýaróndirýshiler 862,7 tonna sıyr etin eksportqa shyǵaryp, jospardyń oryndalýy 57,5 paıyzdy qurady. Sonymen birge 671,2 tonna qoı eti eksporttalyp jospardyń oryndalýy 33,6 % qurady.

Negizgi eksporttaýshylar qatarynda eksportqa baǵyttalǵan damyǵan tehnologııaly bordaqylaý alańdary jáne klaster quramyndaǵy «Ońtústik Halal Taǵamdary» JShS-i, Merki aýdanynda «Merki et kombınaty» JShS, Qordaı aýdanyndaǵy «Pervomaıskıe delıkatesy JShS» et kombınattaryboldy.Et ónimderiniń negizgi bóligi Iran Islam Respýblıkasy, Bahreın Karoldigi, Kýveıt memleketine eksporttaldy.

Osy kásiporyndardyń júktelimin arttyrý arqyly aldaǵy ýaqytta etti eksporttaý dınamıkasyn arttyrý josparlanýda. Baǵdarlama aıasynda qoldaǵy maldyń ónimdiligin arttyrý maqsatynda et baǵytyna tuqymdyq túrlendirý jumysy qolǵa alyndy. Jyl boıy tuqymdyq túrlendirýge MIQ malynyń 65,5 myń analyq basy tartylyp, jospardyń oryndalýy 102,3 % qurady.

Oblysta qus sharýashylyǵyn damytý boıynsha keshendi sharalar atqarylýda. Taǵamdyq jumyrtqa, etin óndirýdi arttyrý maqsatynda«Asa damý» JShS, «Áýlıe-ata Fenıks» JShS qus fabrıkalary keńeıtý, modernızasııadan ótýde. Baızaq aýdanynda «Allel Agro» JShS qus fabrıkasyn iske qosý jumystary jalǵasyn tabýda.Osy sharalardyń arqasynda oblysta óndiriletin qus etiniń kólemi 2 esege artady dep kútilýde, aǵymdaǵy jyldyń ózinde 224,7 tonna qus eti eksporttaldy.

2019 jyly mal sharýashylyǵyndamytýda birneshe iri ınvestısııalyq jobalar iske asyrylady.

Qordaı aýdanynda «Kazmeat Kordai» JShS-niń bordaqylaý alańy qaıta qurý arqyly jylyna 8,0 myń bas MIQ bordaqylaýǵa qaýqarly iri keshenge aınalady.

Jambyl oblysy boıynsha, 2019 jylǵa asyl tuqymdy mal sharýashylyǵyn damytýdy, mal sharýashylyǵynyń ónimdiligin jáne ónim sapasyn arttyrýdy qoldaý baǵdarlamasyna 3,65 mlrd. teńge bólinip tolyq ıgerildi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir