Jambyldyq dıqandar mol ótim jınaýǵa nıetti

«Qystyń qamyn jaz oılaǵan» jambyldyqtar kóktemgi ekken eginin jınaý jumystaryna qyzý kirisip ketken. Búgingi tańda birshama jumysty eńsergen oblys dıqandary jyldaǵydan joǵary ónim jınaýǵa nıetti dep jazady Qamshy.kz aqparat agenttigi. 

Atap aıtar bolsaq, Jambyl oblysynda 2019 jyldyń ónimi úshin aýyl sharýashylyǵy daqyldarynyń egistik kólemi barlyǵy 687,1 myń gektarǵa ornalastyryldy, Onyń ishinde dándi jáne dándi burshaqty daqyldar 352,4 myń gektar, maıly daqyldar 60,9 myń gektar, qant qyzylshasy 5,6 myń gektar, kartop 10,1 myń gektar, kókónis-baqsha daqyldary 66,3 myń gektar, mal azyǵy daqyldary 207,3 myń gektar. Kórsetkish 2018 jylmen salystyrǵanda 18,6 myń gektarǵa artty.

19 tamyzǵa dándi masaqty daqyldary 331,3 myń gektardan orylyp, barlyǵy 752,2 myń tonna dán bastyryldy, ortasha ónimdiligi gektardan 22,7 sentnerdi qurap otyr, egin oraǵy jalǵasýda.

Sonymen qatar, 1,6 mln. tonnaǵa astam pishen, 46,0 myń tonna pishendeme, 3,9 myń tonna súrlem jáne 105,9 myń tonna saban daıyndaldy, mal azaǵy daıyndaý jumystary jalǵasýda.

Egis alqaptaryn arzandatylǵan mıneraldy tyńaıtqyshtarmen qamtamasyz etý maqsatynda jergilikti bıýdjetten 1,0 mlrd. teńge bólindi. Jospar boıynsha 22,4 myń tonna mıneraldy tyńaıtqyshtardy aýyl sharýashylyǵy alqaptaryna paıdalanyp, jalpy egistik alqaptyń 22,0% qamtý josparlanǵan. 2019 jyldyń 19 tamyzyna aýyl sharýashylyǵy qurylymdary tarapynan 16,6 myń tonnasy alynyp, aýyl sharýashylyǵy daqyldaryna endirýde jumystar jalǵasýda.

QR Úkimeti tarapynan Jambyl oblysynyń dıhandaryna kúzgi jınaý jáne egis dala jumystaryn júrgizý úshin 16200 tonna kepildendirilgendızel otyny bólingen. Onyń shilde aıyna 5800 tonna, tamyz aıyna 3300 tonna, qyrkúıek aıyna 3700 tonna jáne qazan aıyna 3400 tonna.

2020 jyldyń ónimine súr kóterý sharalary oblys boıynsha 97,9 myń gektar alqapqa josparlansa, naqty kóterilgeni 99,5 myń gektar nemese 101,7 paıyz. Birinshi óńdelgeni 99,5 myń gektar, 100 paıyzdy, ekinshi óńdelgeni 97,3 myń gektar, 97,7 paıyzdy jáne úshinshi óńdelgeni 33,6 myń ga 33,8 paıyzdy qurap otyr. Aǵymdaǵy jyly 6043 gektar alqaptaǵy parǵa hımııalyq óńdeý jumystary atqaryldy.

Kóktemgi jáne kúzgi dala jumystaryn qarjylandyrý maqsatynda, Jambyl oblystyq «Agrarlyq Kredıttik Korporasııasy» AQ-y arqyly «Keń

dala» baǵdarlamasy boıynsha, 43 aýyl sharýashylyǵy qurylymdarynan 363,1 mln. teńgege ótinim túsip, taratyldy.

Sonymen qatar, Jambyl oblysytyq «Aýylsharýashylyǵyn qarjylaı qoldaý qory» AQ-y arqyly «Eginjaı» baǵdarlamasy boıynsha 2 sharýashylyqqa 10,0 mln teńge qarjylandyrylyp otyr.