• USD 378.65
  • EUR 430.07
  • RUB 6
  • CNY 55.1
24 Qyrkúıek, 00:37:18
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

20 Tamyz, 2019 Mańǵystaý oblysy

Aqtaýda medısınalyq saqtandyrý júıesi týraly semınar ótti

«Medısınalyq saqtandyrý qory» jergilikti sarapshylary Aqtaýdaǵy birneshe medısınalyq uıymdarǵa oqytý-semınar júrgizdi. Semınar densaýlyq salasyndaǵy jańa reforma – Mindetti áleýmettik medısınalyq saqtandyrý (MÁMS) júıesiniń enýi jaıynda boldy.

 «Neıron» jeke menshik klınıkasynyń 100-ge jýyq medısına qyzmetkerleri densaýlyq salasyndaǵy 2020 jyly ótetin ózgerister týraly dáris aldy.

–Dárigerler úshin bul tyń jańalyq emes. Emhana qyzmetkerlerin saqtandyrylǵan azamattarǵa qandaı artyqshylyqtar beriledi, saqtandyrylmaǵan azamattar tegin emhanaǵa qarala ala ma degen suraqtar qyzyqtyrdy. Shuǵyl jaǵdaılarda kómek kórsetý, jedel járdem, sanıtarlyq avıasııa, birqatar sozylmaly aýrýlardy dınamıkalyq baqylaý, shuǵyl jaǵdaıda stasıonarda emdeý – muny barlyq azamattar, saqtandyrylǵan-saqtandyrylǵanyna qaramaı paıdalana alady.Memleket tarapynan kepildik berilgen kómek boıynsha barlyq azamattar: emhanaǵa qaralyp, stasıonarda jatyp emdele alady; áleýmettik mańyzy bar aýrýlar  da tegin emdeledi. Medısınalyq ońaltý qyzmetin tek týberkýlezge shaldyqqandarǵa ǵana paıdalana alady. Negizgi juqpaly emes aýrýlar men qorshaǵan ortaǵa qaýip tóndiretin juqpaly aýrýlar da  tegin emdeledi.Iаǵnı, kepildendirilgen standart azamattardyń bárine, bıýdjet esebinen tegin kórsetiledi, - deıdi «MÁMS» qory jergilikti fılıalynyń sarapshysy Laýra Qaldyǵojına. medi

            Al saqtandyrylǵan azamattar MÁMS paketindegi qymbat bolyp keletin operasııalar, sırek medısınalyq qyzmet túrleri, salalyq mamandardyń qabyldaýy syndy qyzmetterdi alady. MÁMS paketine tabysy ortasha azamattardyń qaltasy kótere bermeıtin: MRT, kompıýterlik tomografııa, PSR-analız syndy qyzmetter de engizildi.

            – Mindetti áleýmettik medısınalyq saqtandyrýdyń bizge ne qajeti bar? Turǵyndar densaýlyqqa jumsaltyn jalpy shyǵynnyń 40 prosentin óz qaltasynan tóleıdi eken. Iаǵnı adamdar óz qaltasynan dári-dármek satyp alady, aqyly klınıkalarǵa qaralady. Bul turǵyndardyń áleýmettik turmysyna edáýir salmaq túsiretini daýsyz. Jańa reformanyń mańyzy sol, osy shyǵyndardyń belgili bir bóligin saqtandyrý esebinen jabýǵa múmkindik beredi, - deıdi «MÁMS» qory jergilikti fılıalynyń  bólim basshysy Aıgúl Dáden.

            Medısınalyq saqtandyrý qory mamandary aldaǵy ýaqytta aýdandaǵy emhanalardy aralap, semınar júrgizetin bolady. medi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir