• USD 378.65
  • EUR 430.07
  • RUB 6
  • CNY 55.1
23 Qyrkúıek, 20:18:39
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

21 Tamyz, 2019 Aımaqtar

Jambylda medısına salasyndaǵy mańyzdy másele qaraldy  

 

Jambyl oblysynda «Densaýlyq saqtaý» baǵyty boıynsha komıssııanyń otyrysy ótip, jıynda oblys ákimdiginiń Densaýlyq saqtaý basqarmasynyń basshysy esep berdi. Marat Seıtbekuly atalǵan saladaǵy medısınalyq qural-jabdyqtarmen qamtylý jáne kadr máseleleri boıynsha baıandady dep jazady Qamshy.kz aqparat agenttigi. 

2019 jyldyń 6 aıynyń qorytyndysy boıynsha qajetti quraldarmen jabdyqtalýy oblysta 74,31 paıyzdy qurap otyr. Byltyr jabdyqtaýǵa bıýdjetten 2,3 mıllıard teńge qaralyp, 900-den asa saıman satyp alynǵan. Bıyl bul maqsatta 300-den asa medısınalyq tehnıka birligi 1,7 mıllıard teńge qarajatqa alynsa, aldaǵy eki jylda 1,1 mıllıard teńgeden asa somaǵa 321 birlik medısınalyq tehnıka alý josparlanǵan. Osylaısha, memleket basshysynyń jergilikti jerlerdegi emhanalardy 100 paıyz medısınalyq qural-jabdyqtarmen qamtý tapsyrmasyn oryndaý kózdelip otyr. Aǵymdaǵy jyldyń alǵashqy jartysynda med.tehnıkanyń qoljetimdiligi boıynsha Jambyl oblysy respýblıkada 7-shi orynda. Degenmen, ósý tendensııasy baıqalady.

Densaýlyq saqtaý salasyndaǵy medısınalyq qyzmettiń sapasyna kadrlardyń tapshylyǵy tikeleı áser etetini anyq. Mekemelerdiń tapsyrysy boıynsha 322 bos oryn jarııalanǵan bolatyn. Ony toltyrý maqsatynda respýblıkadan 185 jas maman joldanǵanymen, áli de 130-dan asa maman qajettiligi týyndaýda. Basqarma muny óz betimen keletin oqý oryndarynyń túlekterimen tolyqtyrýdy josparlap otyr.

Basqarma tarapynan oblysqa qandaı mamandar qajettiligi zerdelenip, nátıjesinde akýsher-gınekolog, anestezıolog-reanımatolog, neonatolog mamandyqtary aıqyndaldy. Osyny eskere otyryp oblystyq bıýdjetten 8,7 mıllıon.teńge bólinip, 9 mamandy oqytý josparlanýda.

Maman tartý úshin áleýmettik jaǵdaıdyń da mańyzy zor. Bul maqsatta bıyl jas mamandarǵa 100 000-800 000 tg deıin áleýmettik kómek túrin kórsetý josparlanǵan. Sondaı-aq, turǵyn úı satyp alý nemese salý úshin 1500 AEK aspaıtyn nesıe, 100 AEK teń somada kóterme járdemaqy kózdelgen.

Jıyn sońynda komıssııa músheleri medısına salasynyń óńirde damýy men kemshilikterge jol berilmeýi maqsatynda birqatar usynystar berdi. Onyń iske asýy men qadaǵalaý partııa baqylaýynda bolady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir