• USD 468.56

  • EUR 497.56

  • RUB 7.3

  • CNY 67.18

28 Naýryz, 22:18:16
Almaty
+35°

Jambyl oblysynda Buqaralyq sportty damytýǵa basa nazar aýdarylýda. Osyǵan oraı, salaýatty ómir saltyn nasıhattaý maqsatynda, Baızaq aýdanynda ótken jyly 825 sporttyq is-shara, al, aǵymdaǵy jyldyń alty aıynda barlyǵy 502 sporttyq is-shara ótkizilip, oǵan 41 859 adam qamtylǵan dep jazady Qamshy.kz aqparat agenttigi. 

Salaýatty ómir saltyn nasıhattaý baǵytynda ótkizilgen 502 sporttyq is-sharanyń 46-sy aýdan ákimdigi dene shynyqtyrý jáne sport bóliminiń jáne qalǵan sporttyq is-shara jalpy bilim berý mekemelerinde, aýyldyq okrýgterde, negizinen jastar jáne sport jónindegi ádisker-nusqaýshylarymen, dene shynyqtyrý páni muǵalimderiniń uıymdastyrýymen ótkizilgen. Sonymen qatar, sport mekemelerinde toqsan saıyn bilim mekemeleri arasynda «Ashyq esik kúnderin» ótkizý dástúrge aınalǵan.

Qańtar aıynan maýsym aıyna deıin aýdanda aýqymdy jáne júıeli túrde uıymdastyrylǵan sporttyq is-sharalar: kishi fýtbol, voleıbol, basketboldan aýdan ákiminiń kýbogi úshin eresekter arasyndaǵy aınalma ádisimen aýdan chempıonattary óz deńgeıinde ótse, budan bólek jasóspirimder arasyndaǵy «Sport izbasarlary» aýdandyq týrnıri, asyq atý, toǵyzqumalaq, shahmat, basketboldan aýdandyq spartakıadalar uıymdastyryldy. Sondaı-aq oblystyq kezeńderimen júıeli túrde aýla oıyndary, qazaq kúresinen «Qazaqstan Barysy», memlekettik qyzmetshilerdiń spartakıadasy aýdandyq irikteý jarystarymen qatar «Dúnıejúzilik densaýlyq kúninen - Sport kúnine deıin» jeńil atletıkalyq júgirýden, jazǵy sport maýsymynyń ashylýyna arnalǵan «Baızaq sporty - 2019» aýdandyq spartakıadaly ótkizildi.

Aýdandyq bólimge baǵynysty sport mektepterinde barlyǵy 17 sport túri: boks, qazaq kúresi, dzıý-do kúresi, grek-rım kúresi, erkin kúres, qol kúresi, voleıbol, basketbol, jeńil atletıka, toǵyzqumalaq, ústel tennısi, kókpar oıyny, taekvondo, karate-do, fýtbol, asyq atý jáne aýyr atletıka qyzmet jasaıdy.

Sarykemer, Mádimar, Qyzyl juldyz jáne Býryl aýyldarynda strıt vorkaýt qondyrǵylary ornatylyp, sport alańshalary salynsa, 16 eldimekende osyǵan uqsas qarapaıym kóshe jattyǵýlary alańshalary bar.

2018 jyldyń sáýir aıynan bastap, Túımekent aýylynda sport baǵytyndaǵy aýla klýby jumys isteıdi. Aýla klýbynda 8 shtattyq birlikpen 9 jattyqtyrýshy 24 oqý tobymen jumys jasaıdy. Oqý toptarynda barlyǵy 480 oqýshy 8 sport túri (dzıý-do, qol kúresi, nysana kózdeý, kógaldaǵy hokkeı, fýtbol, aýla oıyndary, shahmat, qusbegi) boıynsha shuǵyldanýda.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir