• USD 378.65
  • EUR 430.07
  • RUB 6
  • CNY 55.1
21 Qyrkúıek, 01:25:43
Kevın Gaston: Bul tabıǵattyń qurdymǵa ketýi degen sóz

21 Tamyz, 2019 Saıasat

"Partııa múshesi ekendigimizden qorqamyz ba?" Nazarbaev bılik partııasynyń keıbir múshelerin synady

Nazarbaevtyń aıtýynsha, ""Nur Otan" partııasynyń barlyq múshesi jarııa túrde partııaǵa qatysy bar ekendigin pash etýi tıis".

 

Qazaqstandaǵy bılik partııasy "Nur Otannyń" tóraǵasy, eldiń burynǵy prezıdenti  Nursultan Nazarbaev el astnasy Nur-Sultan qalasynda ótken partııanyń saıası keńesiniń keńeıtilgen otyrysynda partııanyń quramynda bar ekendikterin kórsetkisi kelmeıtin  ákimder men mınıstrlerdi synady dep jazady Qamshy.kz aqparat agenttigi. 

Nazarbaevtyń aıtýynsha, ""Nur Otan" partııasynyń barlyq múshesi jarııa túrde partııaǵa qatysy bar ekendigin pash etýi tıis".

"Munan da jamany keıbir memlekettik organdardyń basshylary, mınıstrler, ákimder ózin partııamen birge ekendigin kórsetkisi kelmeıdi. Partııa bylaı, men bylaı, ózime ózim osy jerde bastyqpyn. "Nur Otan"-nyń barlyq múshesi jarııa túrde partııaǵa qatysy bar ekendigin pash etýi tıis. Partııa tósbelgisin búgingi otyrysqa ǵana taǵyp kelmeý qajet. Mysaly, Malaızııada mınıstrler, premer-mınıstr, orynbasarlary, barlyǵy tósbelgi taǵyp júredi. Kóshede adamdar memlekettik qyzmetshi kele jatqanyn kóredi. Al biz she? Partııa múshesi ekendigimizden qorqamyz ba? Onda shyǵyńyzdar, basqasyn tańdap alamyz", - dedi bılik parııasynyń tóraǵasy. 

Sonymen qatar Nazarbaev maýsym aıynda Shymkent qalasynda ótken narazylyq kezinde "Nur Otannyń" týyn julyp tastaǵanda partııa músheleriniń sharasyzdyq tanytqanyn synǵa aldy. 

"Shymkentte partııanyń týyn julyp tastady. Bul oqıǵa ortalyq keńseniń aldynda boldy. Bireýi de lám-mım degen joq. Partııa qaıda qarady? Artynan bárin ornyna keltirýge týra keldi. Mine, bári osyndaıda baıqalady. Partııa, "Nur Otan" deımiz. Biraq typ-tynysh otyramyz. Bir nárseden qorqamyz ba?", - dedi Nazarbaev.

Eske sala keteıik, 24 maýsymda Túrkistan oblysy Arys qalasynda oq-dári saqtaıtyn qoıma jarylyp, qala turǵyndary Shymkentke evakýasııalanǵan bolatyn. 27 maýsymda Arys turǵyndary Shymkette mıtıng jasap, qala kóshelerimen júrip ótti. Sol kezde bir jas jigit "Nur Otan" partııasy ǵımaratynyń aldyndaǵy tuǵyrǵa minip, partııanyń týyn julyp tastamaq boldy.



 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir