• USD 468.56

  • EUR 497.56

  • RUB 7.3

  • CNY 67.18

28 Naýryz, 18:03:29
Almaty
+35°

21 Tamyz, 2019 NEWS

"Han keledi, ketedi. Ha­lyq qalady". Qonaevtyń qanatty sózderi

Búgin asa kórnekti memleket jáne qoǵam qaı­ratkeri, qazaqtyń ardaqty uly, Dinmuhamed (Dımash) Ahmet­uly Qonaevtyń dú­nıe­den ótkenine 26 jyl toldy.

Osyǵan oraı Qamshy.kz aqparat agenttigi Din­mu­hamed Qonaevtyń kózi tirisinde aıtyp, jazyp ket­ken qanatty sózderin usy­nady.

– Han keledi, ketedi. Ha­lyq qalady, halyq qalsa – taq qalady.

– Abyroıdan aq otaý tiktim degen kisiniń pendeligi az bolmaıdy.

– Árıne, istiń oraıy kele bermeıdi, Áıtpese aldyńa kelgen adam ótinishin aıaq asty etpegenge ne jetsin?!.

– Jalpy adam janyna izgilik nárin sepken ustazdan úlken kim bar!

– Dúnıe túske deıin kıiz, tústen keıin múıiz bolyp ketýi áp-sátte.

– Oryndy syn oılantpaı qoımaıdy.

– Panam da el, danam da el. Soǵan arqa súıedim, sodan úırendim.

– Jalada shyndyq bolmaıdy.

– Adam aınasy – adam.

– Táýelsizdiktiń júgi aýyr.

– Adamǵa jazanyń eń úlkeni – jumyssyz qal­dy­rý.

– Aqıqattan attap ketý – arǵa syn.

– О́mirdiń eki tiregi: úırenýden jalyqpaý, úı­retýden aıanbaý.

– Satyǵa aıaq salmaı jatyp, baspal­daqtan attama.

– Qanmen sińgendi qa­sıet­temeseń, qa­diriń bol­maıdy.

– Búgingi kún – keshegi kúnniń shákirti.

– Adamdyq qalypty bıik ustaý – kimge de bolsa úlken syn.

– Senim – qudiretti kúsh: taýdy da qozǵaıdy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir