• USD 378.65
  • EUR 430.07
  • RUB 6
  • CNY 55.1
19 Qyrkúıek, 02:57:21
Shashyrap júrgen qazaqty búgin kóshirip almasaq, erteń joǵaltyp alýymyz múmkin

20 Tamyz, 2019 Mańǵystaý oblysy

Mańǵystaýda tegin dári berý prosesi qadaǵalanyp otyr

Mańǵystaýda turǵyndardy tegin dári-dármekpen qamtamasyz etý  jalǵasyp jatyr. Búgingi tańda oblysta tegin dári berý prosesi SMS-habarlama arqyly baqylanyp otyr. «Áleýmettik medısınalyq saqtandyrý qory»  («ÁMSQ») keltirgen derek boıynsha, bıyl sáýir-maýsym aılarynda respýblıka boıynshategin dári-dármek alǵandar tizimine engen pasıentterdiń telefondaryna shamamen mıllıonnan astam SMS-habarlama jiberilgen bolatyn.

lek

SMS-habarlama qorytyndysy boıynsha, Qorǵa 27 798 pasıentten jaýap keldi. Onyń ishinde 4 137 pasıenttiń dári-dármekti almaǵany anyqtaldy. Dári-dármektiń qolǵa tımegeni týraly habarlamanyń basym bóligin Qyzylorda, Mańǵystaý, Shyǵys Qazaqstan, Túrkistan jáne Almaty oblystarynyń turǵyndary joldaǵan.

«ÁMSQ»Mańǵystaý fılıaly keltirgen málimet boıynsha, dári-dármek úılestirý boıynsha alǵashqy jartyjyldyqta 61 zańsyz jaǵdaı (defekt) anyqtalyp otyr. Sol sebepti emhanalar esebinen 1 258 478 teńge kóleminde qarjy qysqartylǵan.

            Oblystyq densaýlyq saqtaý basqarmasynyń dári-dármek pen materıaldyq-tehnıkalyq qamtamasyz etý bólimi basshysy Tımýr Málikuly tegin dári alatyn turǵyndar emhanaǵa baryp, telefon nómirin qaldyrý qajettigin aıtady. О́ıtkeni, kópshilik turǵyndardyń telefon nómirleri durys emes nemese qaldyrmaǵan.

Eskerte ketý kerek, tegin dári-dármek tıesili turǵyndardyń telefonyna habarlama keledi. Habarlamada reseptiniń nómiri men dáriniń berilgen kúni kórsetiledi. Preparattar shyn máninde qolyna tımegen pasıentter SMS-habarlamaǵa jaýap retinde «0» sıfryn joldaı alady nemese «SQ-Farmasııa» JShS-niń 1439 baılanys nómirine qońyraý shalsa bolady.

-Eger dári-dármekke qatysty turǵyndardan suraq týyndasa, ózi tirkelgen dárigerden suraýy qajet. Máselen, medbıke ne ýchaskelik dáriger pasıentke tıesili dári bermedi delik. Sol emhananyń bas dárigerine nemese onyń orynbasaryna kirip, aryz jazýy tıis. Eger emhana deńgeıinde bul másele sheshilmegen jaǵdaıda, 24 saǵat qyzmet etetin densaýlyq saqtaý basqarmasynyń koll-sentr ortalyǵyna qońyraý shala alady. (tel. 303060, 87758776259) Muny aıtyp jatqan sebebim, kópshilik jaǵdaıda turǵyndar bizdiń basqarmaǵa kelip jatady, al emhana dárigerleri bul máseleden beıhabar. Árıne, bul turǵynnyń jeke quqyǵy, degenmen máseleni osylaı jedel sheshýge bolady, - deıdi Tımýr Málikuly.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir