• USD 378.65
  • EUR 430.07
  • RUB 6
  • CNY 55.1
24 Qyrkúıek, 00:31:49
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

21 Tamyz, 2019 NEWS

Elbasy: Sheneýnikter BAQ redaktorlaryna qysym kórsetpeýi kerek

Nur Otan partııasynyń Saıası keńesiniń keńeıtilgen otyrysynda Elbasy "Nur Otan" partııasy óziniń aqparattyq strategııasyn qaıta qaraýy kerektigin aıtty, – dep habarlaıdy Qamshy.kz aqparat agenttigi.

"Partııa alǵa qaraı jyljıtyn, aqparattyq, ıdeologııalyq saıasatty júrgizýi tıis. Búgingi tańda medıada shynaıy beıneni buldyratatyn arnalar kóbeıip barady. Jaı ǵana qaıdaǵy bir suraqty laqtyrady da – shyndyqqa saı kele me, joq pa bilip alyńdar deıdi (...) Keıin partııanyń tolyq medıatoby, televızııalyq arnasy, gazetteri – aýzyn jaýyp otyrady. Bizdiń ortalyq aqparattyq arnalar da aýzyn ashpaıdy. Oı, qorqamyz... Buryn men kerisinshe, maǵan aqsha tóle, áıtpese sen týraly jaman jazamyn degen redaktorlardy jazalaıtyn edim. Ákimder osy úshin aqsha tóleıtin. Al qazir eger sen birdeńe jazsań, bireý arqyly seni jumystan shyǵaramyn degen bopsa paıda boldy. Biz ony bilemiz. Eger osyndaı jaǵdaı tirkelse, qandaı laýazymda bolsa da, jumystan shyǵaramyz. Kim bolsa, ol bolsyn", – dedi Elbasy "Nur Otan" partııasy Saıası keńesiniń keńeıtilgen otyrysynda.

Nursultan Nazarbaev qazirgi tańda kez kelgen máseleni respýblıkalyq deńgeıdegi problema etip kórsetý jaǵdaıy beleń alyp bara jatqanyn aıtyp ótti.

"Internet oǵan kómektesip jatyr. Eshkim jaýap bermeıdi. Partııa jala japqany úshin jaýapkershilikti kúsheıtý maqsatynda zań qabyldaý bastamasyn kóterýi tıis. Eshkim eshkimge isti absýrdqa deıin jetkizý quqyǵyn bergen joq. Dástúrli BAQ pozısııasynan aıyrylyp barady. Dáýren Abaev osy másele boıynsha oılanyp, jumys júrgizýi kerek. Telefondyq quqyq bolmaýy tıis. Sheneýnikter redaktorlarǵa qysym kórsetedi. Ártúrli joldarmen synı materıaldardyń jolyn kesedi. Osydan keıin qoǵamdyq sanada balama shynaıylyq qalyptasady. "Nur Otan" sol sebepti, óziniń aqparattyq strategııasyn qaıta qaraýy kerek. Partııalyq BAQ shynaıy ári jedel aqparattyń kózine aınalyp, oza jumys júrgizýi tıis. Eń daryndy adamdardy tartyp, tıisti aılyq tólenýi kerek", – dedi Elbasy.

Aıan Bekenuly

inform.kz

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir