• USD 378.65
  • EUR 430.07
  • RUB 6
  • CNY 55.1
19 Qyrkúıek, 03:05:07
Shashyrap júrgen qazaqty búgin kóshirip almasaq, erteń joǵaltyp alýymyz múmkin

21 Tamyz, 2019 Aımaqtar

Jamby oblysy aýmaǵynda jabaıy qyzǵaldaqtyń 20 túri kezdesedi

Jambyl oblysy aýmaǵynda jabaıy qyzǵaldaqtyń 20 túri gúldeıdi. Onyń 12-si 2007 jyly Qyzyl kitapqa engizilgen. Bul qatardan Kaýfman, Greıg qyzǵaldaqtaryn da keziktirýge bolady dep jazady Qamshy.kz aqparat agenttigi. 

Elbasy Nursultan Nazarbaev «Uly dalanyń jeti qyry» maqalasynda Qazaqstandy qyzǵaldaqtyń otany retinde sıpattaıdy. «Qazaqstan aýmaǵyndaǵy Shý, Ile taýlarynyń eteginen áli kúnge deıin jergilikti ósimdikter áleminiń jaýhary sanalatyn Regel qyzǵaldaqtaryn bastapqy kúıinde kezdestirýge bolady... Búginde jer júzinde qyzǵaldaqtyń 3 myńnan astam túri bar, olardyń basym kópshiligi – bizdiń dala qyzǵaldaǵynyń «urpaǵy». Qazir Qazaqstanda qyzǵaldaqtyń 35 túri ósedi» delingen Elbasy maqalasynda. Sondyqtan keıingi urpaq sanasyna týǵan jerdiń qadirin bilip, ondaǵy ásemdik pen sulýlyqty baǵalaı alýy mańyzdy. Qazir qazaq dalasynda Kaýfman, Kolpakovskıı, Borshov, Greıg , Zınaıda sekildi qyzǵaldaqtardyń túrleri gúldeıdi. Bir ǵana Jýaly aýdanyndaǵy Berikqara shatqalynda qyzǵaldaqtyń sırek kezdesetin 5 túri ósedi eken. Sondyqtan da Berikqara shatqaly resmı túrde qyzǵaldaqtyń álemdik otany dep sanalady. Keı derekterde qyzǵaldaq eksportymen álemge tanymal Gollandııaǵa bul gúldiń Berikqara shatqalynan barǵany týraly aıtylady.

–Qyzǵaldaq Jambyl oblysynyń týrıstik brendiniń birine aınala alatyndyǵy esh kúmán týǵyzbaıdy. Jasyratyny joq biz áli de jabaıy qyzǵaldaqtyń qadirin bilmeı otyrmyz. Eger uqyptap qaraı alsaq gúldiń bul túrin ulttyq baılyǵymyz sanalaýy da ǵajap emes. Qazirgi tańda Qazaqstanda qyzǵaldaqtyń 35 túri bolsa onyń 18-i Qyzyl kitapqa engizilgen. О́ıtkeni olardyń taralý aımaǵy da jyl sanap qysqarýda. Munyń birden bir sebebi adamdardyń tabıǵatqa degen janashyrlyǵynyń joqtyǵy bolyp otyr. Zań júzinde bizdiń elde qyzǵaldaqtyń sırek kezdesetin túrleriniń sabaǵyn da, badanasyn da julýǵa tyıym salynǵan. Soǵan qaramastan otandastarymyz bir sáttik qyzyq úshin gúlge qolyp sozyp, ony qýrap qalǵan soń qoqysqa tastaıdy. Gúlderdiń jabaıy túrleri negizinen tabıǵı jolmen uryqtaný arqyly kóbeıedi. Julynǵan bir gúldiń orny tolýy úshin kóp ýaqyt kerek. Osyny azamattardyń túsine almaı júrgendigi qynjyltady, - deıdi bıolog I. Prozorova.

Aıta ketý kerek oblys aýmaǵynda jyl saıyn azamattardy jabaıy qyzǵaldaqtyń qadir-qasıetin bilýge shaqyratyn aýqymdy sharalar uıymdastyrylyp turady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir