• USD 378.65
  • EUR 430.07
  • RUB 6
  • CNY 55.1
20 Qyrkúıek, 08:09:10
Latyn álipbıine kóshý máseleleri semınar-keńeste sóz boldy

21 Tamyz, 2019 Aımaqtar

Jambylda 53 tarıhı-mádenı nysan Qazaqstannyń kıeli jerleri kartasynyń tizimine alyndy

Jambyl oblysynda 53 tarıhı-mádenı nysan Qazaqstannyń kıeli jerleri kartasynyń tizimine alyndy Mundaǵy 8 nysan jalpyulttyq nysannyń qatarynda bolsa, qalǵan 45 nysan óńirlik deńgeıge jatady dep jazady Qamshy.kz aqparat agenttigi. 

Elbasy Nursultan Nazarbaevtyń «Bolashaqqa baǵdar: Rýhanı jańǵyrý» baǵdarlamalyq maqalasynan týyndaǵan mindetterdi júzege asyrý maqsatynda qolǵa alynǵan «Qazaqstannyń kıeli jerleriniń geografııasy» jobasyna saı respýblıkanyń ár aımaǵyndaǵy tarıhı-mádenı nysandar men qasıetti jerlerdiń kartasy jasalǵany málim. Bul kartaǵa 2000 jyldan astam tarıhy bar Jambyl óńiriniń týrıstik boıtumaryna arnalǵan birqatar nysandar da engizildi.

Búginde óńirdegi 35 tarıhı-mádenı nysannyń GPS koordınattary jasalyndy. Sáıkesinshe bul koordınattar týrıster úshin atalǵan nysandarǵa adaspaı jol tabýdy qamtamasyz etedi. Sondaı-aq bul nysandardy Taraz qalasynyń 44 týrıstik mekemesi óz marshrýttaryna engizgen. Sol arqyly óńirge taban tiregen alys-jaqyn sheteldik týrıster Jambyldaǵy kıeli jerlermen tanysý múmkindigine ıe boldy.

–Munan bólek Jambyl oblysy aýmaǵyndaǵy «Qazaqstannyń kıeli jerleri» kartasyna engen nysandardyń týraly arnaıy derekti fılmder de túsirildi. Sonymen qatar týrıster jıi at basyn buratyn bul oryndardyń joldaryn jóndeý, ondaǵy qyzmet kórsetý sapasyn arttyryp, ınfraqurylym jetildirýge basa mán berildi. Oblys ákimdiginiń týrızm basqarmasymen áriptestik ornatyp birlesken is-sharalardy ótkizip turamyz. Máselen jaqynda ǵana Taraz jerine taǵzym» atty jas týrıst festıvali men «Taraz – ótken men bolashaqtyń túıisken qalasy» tarıhı-ólketaný konferensııasy uıymdastyryldy, – deıdi oblystyq «Rýhanı jańǵyrý» jobalyq ofısi» mekemesiniń basshysy Serikbol Berikqoja

Aıta ketý kerek Jambyl oblysy aýmaǵyndaǵy Qazaqstannyń kıeli jerler kartasyna Merki-Jaısan túrki ǵuryptyq kesheni, Aqyrtas bekinisi, «Ejelgi Taraz qalashyǵy», «Tekturmas» kesheni, «Qarahan» kesenesi, «Aısha bıbi» kesenesi, «Babajy hatýn» kesenesi, «Baızaq batyr Mámbetuly» kesenesi syndy tarıhı-mádenı eskertkishter engizilgen. Bul nysandardyń ólke týrızminde ózindik orny bar ekendigin atap ótken jón.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir