• USD 378.65
  • EUR 430.07
  • RUB 6
  • CNY 55.1
24 Qyrkúıek, 00:31:21
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

21 Tamyz, 2019 Aımaqtar

Áýlıeatada áleýmettik salalar qaǵaz bastylyqtan arylýda

Búginde kúlli álem sıfrlyq dáýirge qadam basty. Jahandyq jahandanýdy zamanaýı qurylǵylarsyz elestýte de múmkin emes kúnge jettik. Bul árıen baıandy bolashaǵymyz úshin baǵdary aıqyn dúnıe. Buny jambyldyqtar da jiti túsinip, áleýmettik salalardy «Sıfrlyq Qazaqstan» jobasyna negizdep, elektrondy formatqa kóshirýdi bastady dep jazady Qamshy.kz aqparat agenttigi. Búginde Jambyl oblysy Shý aýdanynda mektepterdi ishki symsyz Wi-Fi jelisimen jaraqtandyrý jumystary qarqyndy júrgizilýde.

Aýdan boıynsha 40 mektep ishki symsyz Wi-Fi jelisimen jaraqtandyrylǵan. Qamtý kórsetkishi 85,1 paıyz.

2019 jyldyń 1 qyrkúıegine deıin jergilikti bıýdjetten bólingen 14 mıllıon 500 myń teńgege 7 mektepte ishki symsyz Wi-Fi jelisin júrgizý josparlanýda.

Oqý kabınetterin kompıýterlik tehnıkalarmen jabdyqtaý jumystaryna kelsek, 47 mektepte barlyǵy 2470 kompıýter qoıylǵan. Onyń ishinde muǵalimder paıdalanatyn kompıýter sany 1085. Sondaı-aq, jalpy oqý kabıneti sany 1212. Onyń ishinde 1085-i muǵalim kompıýterimen jabdyqtalyp otyr.

2019 jyly 233 ınteraktıvti qurylǵylar satyp alyp, oqý kabınetterin 100 paıyz muǵalim kompıýterimen jabdyqtaý josparlanýda.

Aýdanda lıngofondyq-mýltımedıalyq kabınetter sany – 34, ınteraktıvti taqtalar sany – 419.

Mektepterdi robototehnıka kabınetterimen jabdyqtaý da jolǵa qoıylǵan.

2018 jyly jergilikti bıýdjetten 15 mıllıon 144 myń teńgege 4 mektep (M.Áýezov, M.Maqataev, S.Seıfýllın, A.S.Makarenko) robototehnıka kabınetimen jabdyqtaldy. Aýdandaǵy 15 mektepte robototehnıka úıirmeleri jumys jasaýda. Qazirgi ýaqytta robototehnıka kabınetimen jabdyqtalý kórsetkishi 31,9 paıyz.

Tegin bilim beretin IT synyptar ashý toqtalsaq, Shý qalasyndaǵy Jibek joly mektep lıseıiniń bazasynda 2018 jyldyń 30 tamyzy kúni jergilikti bıýdjet esebinen jalpy somasy 5 mıllıon 695 myń 700 teńge qarajatqa IT synyp ashyldy.

Qazirgi ýaqytta IT synypta 10 oqýshydan 6 top oqytylýda. Barlyq tárbıelenýshi sany 60. STEM baǵdarlamasy boıynsha bilim alǵan eki ustaz sabaq berýde.

2019 jyly 4 mekteptiń (Jambyl gım, E.Bekmahanov mg,Tóle bı/a/ om, Á.Moldaǵulova om) bazasynda IT synyptar ashý josparlanýda.

Osylaısha aýdan «Sıfrlyq Qazaqstan» baǵdarlamasyna aýqymdy úles qosýda. Burnaǵy kezi kompıýter pernesin oqýshylarǵa basý arman bolsa, qazir ekiniń-biriniń qolynda planshet júr. Sondaı-aq barlyq mektepter symsyz ınternet jelisine qosylǵan. Babalar ańsaǵan armanǵa jastarymyzdyń qol jetkizip jatqany qýantady. Ári bul órkenıet kóshinen bir eli qalmaǵan urpaq tárbıeleıtini daýsyz.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir