Asqar Mamın: Elimizde 300 myń jańa jumys orny ashylady

Osy jyldyń 1 qyrkúıeginen bastap joǵary kýrstardaǵy 100 myń stýdent kásipkerlik negizderin tegin oqı alady. Bul týraly elordada ótip jatqan Nur Otan partııasynyń Saıası keńesiniń keńeıtilgen otyrysynda Úkimet basshysy Asqar Mamın málim etti, – dep habarlaıdy Qamshy.kz aqparat agenttigi.

"Osy jyldyń 1 qyrkúıeginen bastap joǵary kýrstardaǵy 100 myń stýdent tegin túrde JOO-lar janyndaǵy kásipkerlik negizin oqı alady. Kásipkerlik bastamalardy qoldaý maqsatynda mıkronesıeleý shyǵyndary 83 mlrd teńgege deıin artty. Al jańa bıznes ıdeıalardy iske asyrý úshin 18 myń azamatqa 18 mlrd teńge kóleminde memlekettik grant bólinedi", – dedi Asqar Mamın.

Úkimet basshysynyń aıtýyna qaraǵanda, azamattardy jumyspen qamtý baǵdarlamalaryna kóptep tartý úshin Nur-Sultan, Almaty, Shymkent qalalarynda 15 mobıldi jumyspen qamtý ortalyǵy ashylǵan. Jyl sońyna deıin ondaı ortalyqtar taǵy 15 jerde jumysyn bastaıdy.

"Ekonomıkadaǵy eńbek kúshi naryǵynda oń dınamıka baıqalady. Ortasha eseppen jylyna elimizde 300 myń jańa jumys orny ashylady. 1 tamyzdaǵy jaǵdaı boıynsha 227 myń jumys orny quryldy. О́tken jyldyń sáıkes kezeńimen salystyrǵanda bul 13 paıyzǵa artyq kórsetkish. Osynyń arqasynda 7 aıdyń ishinde jumyssyzdyq deńgeıi 4,8 paıyzǵa azaıdy", – dedi ol.

Eskerte keteıik otyrysqa Qazaqstan Respýblıkasynyń Prezıdenti Qasym-Jomart Toqaev, QR Premer-Mınıstri Asqar Mamın qatysyp otyr. 

Aıan Bekenuly

inform.kz