• USD 389.52
  • EUR 429.21
  • RUB 6.07
  • CNY 54.94
21 Qazan, 01:45:07
Nazarbaev: "Nur Otan" halyqty mazalaıtyn máselelerge aralaspaıdy

21 Tamyz, 2019 Aımaqtar

Jambylda "Dıplommen aýylǵa" aǵylǵan jastar jeterlik

El egemendigin alǵannan bergi eń aıtýly jobalarynyń biri – «Dıplommen aýylǵa» baǵdarlamasy bolǵany daýsyz. Sebebi bul joba eń aldymen eldi mekenderge jas mamandardy tartyp, áleýmettiń áleýetin jaqsartýǵa baǵyttaldy. Búginde Jambyl oblysynda baǵdarlama sharapatyn kórip otyǵan jastar jeterlik dep jazady Qamshy.kz aqparat agenttigi.  Jasyryp qaıteıik, dál qazir babalarymyzdyń armany jetpegen jerge, balalarymyzdyń qalamy jetti. Elbasy Nursultan Ábishuly Nazarbaevtyń tikeleı bastamasymen jastar «Bolashaq» baǵdarlamasymen alys-jaqyn shet memleketterde bilim alýǵa qol jetkizse, dıplommen aýylǵa aǵylǵan mamandar memlekettik barlyq deńgeıdegi qoldaýǵa ıe bolýda.

Jambyl oblysy da bul baǵytta kenjelep jatqan joq. Máselen Qazaqstan Respýblıkasy Úkimetiniń 2009 jylǵy 18 aqpandaǵy «Aýyldyq eldi mekenderge jumys isteýge jáne turý úshin kelgen densaýlyq saqtaý, bilim berý, áleýmettik qamsyzdandyrý, mádenıet, sport jáne veterınarııa mamandaryna áleýmettik qoldaý sharalaryn usyný mólsherin jáne erejesin bekitý týraly» №183 qaýlysyna sáıkes, Shý aýdany ákimdiginiń aýylsharýashyly bóliminen 2019 jyldyń 8-shi aqpanynda tapsyrý-qabyldaý aktisine sáıkes áleýmettik kómek alýshylar sany 178 jáne bıýdjettik nesıe alatyn 112 mamannyń tizimi qabyldanǵan.

2019 jylǵa 62 mamanǵa respýblıkalyq bıýdjetten turǵyn úı alýǵa bólingen qarajat – 234 825 000 teńge, kóterme járdemaqyǵa 80 mamanǵa – 14 140 000 teńge jergilikti bıýdjetten qarastyrylyp otyr.

Ataýly joba aıasynda, 2019 jyldyń sáýir - maýsym aılarynda ótken komıssııa otyrysynda sheshim qabyldanǵan 36 mamanǵa kóterme járdem aqyǵa 6 363 000 teńge jergilikti bıýdjetten qarajat tólengen. 27 mamanǵa turǵyn úı satyp alý úshin 102 261 500 teńge respýblıkalyq bıýdjetten qarajat bólinip otyr.

Bul árıne jas mamandar úshin úlken demeý ekeni daýsyz. Oǵan qosa, shyraıly Shý óńirinde jas mamandardyń óz sheberligin shyńdap, shyn bilikti kadr atanýǵa barlyq múmkindik jasalǵan. Ásirese, áleýmetik sala, medısına jáne mádenıet maıtalmany qaı aýyldyq jerge bolmasyn aýadaı qajet ekeni aıdan anyq. Jas mamandardyń tilegine qulaq túrsek, olardyń osyndaı múmkindik pen jaǵdaı týǵyzǵan Elbasyna, Memleket basshysyna jáne oblys ákimi Asqar Myrzahmetovke alǵysy sheksiz. Endi she?

Ras keńestik kezeńde jas mamandardy memlekettik tapsyrys negizinde jumysqa joldaıtyn. Ol tusta halyq ońtústik, ál soltústik nemese shyǵys pen basty dep bólinbeıtin. Úkimet qaıda joldasa sonda tartatyn. Qaı mekemeden suranys tússe, sonyń otymen kirip, kúlimen shyǵatyn. Alaıda odan jaman bolǵan eshkim joq. Búgingi aǵa býyn azamattardyń deni sol komsomol mektebinen ótip, tas oıyp, qysh ta quıdy. Dese de táýelsizdik tańynyń eń tátti syıy qazir jastarǵa qaıda bilim alsam, qaıda qyzmet etsem dese de tańdaý berilgen. «Dıplommen aýylǵa» kelip jatqan jastar da qınap esh jerge aıdalyp jatqan joq.

Úkimet olarǵa qalaý men tańdaý berýde. Sol negizde Jambyl oblysynyń óz týmalary qoldaryna dıplomyn alyp týǵan jerge tý tigip jatsa, endi ekinshi bir sypyrasy kórshiles óńirde eńbek ótilin bastaýdy jón kórýde. Al olar kelgen boıy kóterme járdemaqy, baspana jáne memlekettik qoldaý paketterine ıe bolýda. Jáne ómir boıy sol aýyldyń, álde mekemeniń bosaǵasyna baılanyp qalmaı, kelisimsharty aıaqtalǵanda úlken qalalarda qyzmetin jalǵastyrýda. Bul sóz joq, jastarǵa jasalǵan mol qamqorlyq. Osyny túsingen búgingi býyn Shý syndy shalǵaı aýdandarǵa jol tartyp, bilili men biliktiligin aýyl halqynyń qamy úshin arnap jatqany qýantady. Endeshe, iske sát qurmetti jas mamandar! Sizderdiń sheshimderińiz kópke úlgi ekeni daýsyz.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir