21 Tamyz, 2019 NEWS
Qytaıdan ushyp shyqqan ushaq Elorda áýejaıyna shuǵyl qondy
Ushaqtyń ishinde 234 jolaýshy men jeti ekıpaj múshesi bolǵan
SCAT áýe kompanııasynyń Boeing 757 ushaǵy Nur-Sultan áýjeıyna shuǵyl qondy dep jazady Qamshy.kz aqparat agenttigi.
Bul týraly Indýstrııa jáne ınfraqurylymdyq damý mınıstrliginiń azamattyq avıasııa komıteti habarlady.
"Búgin Sanııa (Qytaı) – Nur-Sultan baǵytyndaǵy VSV464 reısi saǵat 16:58-de shuǵyl qondy. Sanııa áýejaıy dıspetcherlik qyzmetiniń aqparaty boıynsha ushý-qoný jolaǵynan rezeńke bólshekter tabylǵan. Boljam boıynsha ushaq áýege kóterilgen kezde belgisiz zatty basyp ótip, saldarynan shassıdiń sol jaq negizgi tireýiniń artqy dońǵalaǵyna zaqym kelgen", - dep jazylǵan resmı habarlamada.
Osy jaıttan soń áýe kompanııasy ushaqty qondyrý máselesi týraly Nur-Sultan qalasynyń áýejaıymen sóılesken.
"Ushaq aman-esen qondy. Ushaqtyń ishinde 234 jolaýshy men jeti ekıpaj múshesi boldy", - dedi azamattyq avıasııa komıtetindegiler.
Komıtettiń habarlamasynda avıasııa oqıǵalaryn tergeý basqarmasynyń komıssııasy tekseristi bastady delingen.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir