• USD 378.65
  • EUR 430.07
  • RUB 6
  • CNY 55.1
23 Qyrkúıek, 13:52:48
Kekilbaevqa arnalǵan kesh

20 Tamyz, 2019 Barlyq aımaqtar

Qoǵam belsendisi partııa qataryna qabyldandy

Partııa 2014 jyldan beri «Kedergisiz keleshek» jobasyn júzege asyryp keledi

«Nur Otan» partııasy Tóraǵasynyń Birinshi orynbasary Baýyrjan Baıbek kópten beri partııa múshesi bolýdy armandap júrgen aqtaýlyq qoǵam belsendisi Baıan Jalmaǵanbetovany arnaıy qabyldap, oǵan partııalyq bıletin saltanatty túrde tapsyrdy.

Baıan Jalmaǵanbetova elimizde múmkindigi shekteýli jandardyń múddesin qorǵap, áleýmettik jeliler men basqa da alańdarda osy máseleni jıi kóterip júrgen belsendilerdiń biri. О́zi de taǵdyrdyń synaǵyna tap bolǵanymen, oǵan esh moıymaı, alǵa umtylyp, ıgi isterimen tanylyp keledi. Aldaǵy ýaqytta osy baǵyttaǵy bastamalaryn «Nur Otan» partııasymen birlesip júzege asyrýdy maqsat tutqan ol partııa múshesi bolýdy kópten beri kózdep júrgen.

Sondyqtan da ótken juma kúni Nur-Sultan qalasyndaǵy «Báıterek» monýmenti mańynda partııa Tóraǵasynyń Birinshi orynbasary Baýyrjan Baıbekpen kezdeısoq kezdesip qalǵan kezde birden osy oıyn jetkizgen. Sol kezde partııa Tóraǵasynyń Birinshi orynbasary aldaǵy ýaqytta arnaıy kezdesip, partııaǵa saltanatty túrde qabyldaıtynyn aıtqan edi.

– Sol kezde bergen ýádemizge baılanysty búgin ýaqyt bólip, ózińizben arnaıy kezdesip otyrmyz. «Nur Otan» partııasy osydan 20 jyl buryn Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaev qurǵan elimizdegi jetekshi saıası kúsh. Sol ýaqyttan beri partııa halqymyzdyń birligi men el irgesiniń beriktigin qamtamasyz etip keledi. Sondyqtan qatarymyzǵa ózińiz sııaqty elimizdiń erteńine beı-jaı qaramaıtyn, naǵyz patrıot azamattardy qabyldaımyz, – degen Baýyrjan Baıbek qazirgi tańda partııa jumysyn qaıta jandandyrý isi qarqyndy júrgizilip jatqanyn jáne aldaǵy ýaqyttaǵy baǵyt-baǵdaryn tilge tıek etti.

Sonymen qatar ol ómirde túrli qıyndyqtar men synaqtardyń bolatynyn, ondaı kezde adam saǵy synbaı, aldyna naqty maqsattar qoıyp, soǵan talpyný qajet ekenin aıtyp, Baıan Jalmaǵanbetovanyń belsendiligi barsha qazaqstandyqtarǵa úlgi ekenin jetkizdi.

– Bizdiń partııa qıyndyqtarǵa qaramastan joldan jańylmaı, arman-maqsatyna jetý jolynda aıanbaı eńbek etip kele jatqan siz sııaqty azamattardy qoldaıdy. Bul – partııa Tóraǵasynyń tikeleı tapsyrmasy. Sondyqtan biz sizdiń qatarymyzǵa qosylyp, partııa múshesi atanýyńyzdy zor qýanyshpen qabyldaımyz. Soǵan baılanysty búgin ózińizdi arnaıy qabyldap, partııalyq bıletińizdi saltanatty jaǵdaıda tapsyrýdy uıǵardyq, – dedi Baýyrjan Baıbek.

О́z kezeginde Baıan Jalmaǵanbetova partııa Tóraǵasynyń Birinshi orynbasaryna jeke qabyldap, zor qoshemet kórsetkeni úshin sheksiz alǵysyn bildirip, «Nur Otan» partııasynyń múshesi atanǵanyna erekshe qýanyshty ekenin jetkizdi.

– Bul meniń kópten beri oılap júrgen armanym bolatyn. О́ıtkeni Elbasy partııasynyń áleýmettik baǵyttaǵy bastamalardy tabysty júzege asyryp kele jatqanyn jáne múmkindigi shekteýli jandardy qoldaýǵa arnalǵan «Kedergisiz keleshek» jobasynyń bar ekenin jaqsy bilemin. Sondyqtan ózim osy partııanyń múshesi bolyp, elimizdegi múmkindigi shekteýli azamattardyń jaǵdaıyn jaqsartýǵa partııamen birge óz úlesimdi qossam deımin, – dedi B.Jalmaǵanbetova.

Sondaı-aq ol kezdesýde óziniń usynystaryna toqtalyp, keleshekte múmkindigi shekteýli balalardy ońaltý, oqytý jáne psıhologııalyq qoldaý kórsetý ortalyǵyn ashqysy keletinin aıtty.

Aıta keteıik, Elbasy, partııa Tóraǵasy Nursultan Nazarbaev Qazaqstan halqyna arnaǵan Joldaýlarynyń birinde «Nur Otan» partııasyna elimizdegi múmkindigi shekteýli azamattardyń ómir súrý sapasyn arttyrý jumystaryn qolǵa alýdy tapsyrǵan bolatyn. Sonyń barysynda kedergisiz orta qalyptastyryp, múmkindigi shekteýli azamattardyń kásipkerlikpen aınalysýyna jaǵdaı jasaý máselesine erekshe basymdyq berdi. Osyǵan oraı partııa 2014 jyldan beri «Kedergisiz keleshek» jobasyn júzege asyryp keledi. Joba aıasynda atalǵan azamattardy jumyspen qamtý, olardyń qoǵamdyq jáne áleýmettik ómirge belsendi aralasýyna jaǵdaı jasaý, ınklıýzıvti bilim alý isin damytý, quqyqtarynyń qorǵalýyn qamtamasyz etý jáne taǵy da basqa ózekti máseleler oń sheshimin taýyp keledi.

Sonymen qatar qabyldaý barysynda osy salada belsendi eńbek etip júrgen azamat Jánibek Orynbasarovqa da partııalyq bılet saltanatty túrde tapsyryldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir