• USD 468.56

  • EUR 497.56

  • RUB 7.3

  • CNY 67.18

29 Naýryz, 05:45:54
Almaty
+35°

Kúni keshe ǵana  ótkizilgen shaǵyn jáne orta bıznesti damytýǵa baılanysty jıynda jergilikti kásipkerler  Almaty qalasyndaǵy  orta jáne shaǵyn bıznestiń damýyna kedergi keltiriletin birqatar faktorlardy atap ótken bolatyn. Sonyń qatarynda qyzmet kórsetý men saýda júrgizý úshin qajetti ınfraqurylymnyń  bolmaýyn janaıqaıymen jetkizgen  edi.

Olardyń janaıqaımen jetkizgen máseleleriniń biri qala kóshelerindegi velojoldar   máselesi boldy. Olar qala  kóshelerinde velojoldardyń bolýyna qarsy emes, biraq onyń júıeli jasalǵandyǵyn qalaıdy. Velojoldar paıdalanylýǵa berilgen 2017 jyldan beri bizdiń Kásipkerler palatasyna  kásipkerlerden 723 shaǵym kelip túsken bolatyn. Olardyń kóbi  velojoldar sol kóshe boılarynda ornalasqan shaǵyn dúkender men meıramhana, kafelerdiń, qyzmet kórsetý ortalyqtarynyń  qyzmetterine keri  yqpalyn tıgizip otyrǵanyn aıtqan.

Kásipkerlerdiń aıtýynsha, osy velojoldar paıdalanylýǵa berilgeli beri ásirese,  eki jaǵynda da velojoldar bar Baıtursynov pen Qonaev kósheleriniń boıyn ornalasqan    orta jáne shaǵyn kásipkerlik nysandarynyń tabystary tómendep, bankrottyq jaǵdaıǵa deıin jetken.  

О́ıtkeni, velojoldarǵa arnalǵan jolaqtarǵa kólik qoıýǵa, toqtaýǵa tyıym salynǵan. Biz osy rette  kásipkerlerler arasynda saýalnama júrgizgen bolatynbyz. Sol saýalnamaǵa qatysqan 400 adamnyń  50 paıyzy velojoldardyń kásipkerlerge qarjylaı qıyndyqtar týǵyzyp otyrǵanyn aıtqan. Al «Voshod» saýda  ortalyǵynyń tabysy  50 paıyzǵa tómendese, onda qyzmet isteıtin 99 adamnyń 44-i basqa salaǵa ketken.

Biz bul másele týraly jan-jaqty taldaýlar jasap qala ákimdigine  hat joldaǵan bolatynbyz. Al endi qalalyq Qoǵamdyq keńes músheleri bul máseleni talqylap, qala kóshelerindegi, ásirese, Baıtursynov pen Qonaev kósheleriniń boıyndaǵy velojoldardyń baǵytyn ózgertý týraly usynystaryn ortaǵa saldy. Bul usynysty biz de qoldaımyz.

Bul eń aldymen kásipkerlerdiń múddesi ǵana emes, sol kólik ıeleriniń qaýipsizdigi úshin  de asa mańyzdy sheshim bolary sózsiz. Velojoldardyń tóńiregine kesirin tıgizbeıtindeı etip, júıeli salynǵany jón.

Aıtýar  Qoshmanbetov, 

Almaty qalasy Kásipkerler palatasy dırektorynyń orynbasary

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir