• USD 468.56

  • EUR 497.56

  • RUB 7.3

  • CNY 67.18

29 Naýryz, 19:38:51
Almaty
+35°

20 Tamyz, 2019 Aımaqtar

Jambyldyqtar muqtaj otbasyna baspana syılady

Osy ıgi bastama aıasynda elimizdiń birneshe óńirinde kómekke muqtaj azamattarǵa jomart jandardyń kómegimen baspana alynyp, saýapty is atqarylýda.

Qazaqstan Musylmandary Dinı Basqaramasy jáne «Zeket» qorynyń bastamasymen respýblıka kóleminde «El úlesi – páterge» atty qaıyrymdylyq jobasy iske asyrylyp keledi. Osy ıgi bastama aıasynda elimizdiń birneshe óńirinde kómekke muqtaj azamattarǵa jomart jandardyń kómegimen baspana alynyp, saýapty is atqarylýda. Osy oraıda, Jambyl oblysynda Qordaı aýdandyq «Qordaı» meshiti men «Zeket» qorynyń Jambyl oblystyq ókildigi birlesip atalmysh jobany qolǵa aldy. Nátıjesinde, «Qordaı» meshiti jamaǵatynyń kómegimen bir otbasyǵa Semzaýyttan kishigirim baspana alynyp, úıdiń kilti sársenbi kúni saltanatty túrde Qordaı aýylynyń turǵyny Názimhan Maqashevaǵa usynyldy dep jazady Qamshy.kz aqparat agenttigi. 

Saltanatty sharaǵa Jambyl oblysynyń bas ımamy Qanat Jumaǵulov, «Zeket» qorynyń Jambyl oblysy boıynsha ókili Bekbolat Myńbaev, aýdandyq meshit ókilderi, ardagerler keńesiniń músheleri jáne birqatar aýyl turǵyndary qatysty. Úı ıesiniń qýanyshymen bólisýge kelgender izgi tilekterin aıtyp, aqsaqaldar batasyn berdi.

– Búgin keremet is-shara júzege asyrylýda. Kóptiń kómegimen bir otbasy baspanaly boldy. Barlyǵymyz osynda bereke tilep kelip otyrmyz. Osy ıgi iske muryndyq bolǵan kisilerge kóp alǵysymyzdy aıtamyz. Bul mýftııatymyzdyń uıymdastyrýymen respýblıka boıynsha syıǵa tartylǵan 118-shi úı bolsa, oblystaǵy besinshi úı. Búgin kelgen ardager aqsaqaldar da duǵa tilekterin aıtýda, – dedi Qanat Jumaǵulov óz sózinde.

– Osyndaı jomart jandarǵa alǵysym sheksiz. Olarǵa barlyq jaqsylyqtardy tileımin. Bul bas-tama ıgilikti bolyp, jalǵasyn tapsyn, – dep qýanyshyn jasyrmaǵan úı ıesi qonaqtardy dámnen aýyz tııýge shaqyrdy.

Aıta keterligi, úsh bólmeli úı jınalǵan 2 mln. 500 myń teńgege satyp alyndy. О́mir súrýge qolaıly jaǵdaı jasalǵan, 10 sotyq jeri men qora jaıy da bar.

«Sadaqa berý – bereke kilti» demekshi, aýdanda adal tapqan nápaqasyn qaıyrymdylyqqa jumsap, muqtaj jandarǵa janashyrlyq tanytyp júrgen azamattar sany ósip keledi. Olardyń saýapty isteri úlgi tutarlyq. Uıymdastyrýshylardyń aıtýynsha, bul joba munymen shektelmeı, jalǵasyn tappaq. Endeshe, aýdandaǵy kómekke zárý jandardyń sany sál bolsa da azaıatynyna úmit basym.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir