• USD 378.65
  • EUR 430.07
  • RUB 6
  • CNY 55.1
23 Qyrkúıek, 20:15:40
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

20 Tamyz, 2019 Aımaqtar

Jambyl oblysynda "Mereıli áskerı otbasy-2019" baıqaýy ótti

Belsendi ómir ustanymyn baıqatqan 5 áskerı qyzmetshilerdiń otbasy qatysty.

Jambyl oblysynda Qazaqstan Respýblıkasynyń shekarashylary kúnine oraı «Mereıli áskerı otbasy-2019» baıqaýy ótti dep jazady Qamshy.kz aqparat agenttigi. 

2093 áskerı bólimi basqarmasynyń uıymdastyrýymen ótken bul baıqaýǵa bala tárbıelep otyrǵan, ulttyq jáne otbasylyq dástúrlerdi saqtaǵan, balalardyń adamgershilik, ıntellektýaldyq, fızıkalyq damýyna qolaıly jaǵdaı jasaǵan, eńbek daǵdylaryna úıretip júrgen, belsendi ómir ustanymyn baıqatqan 5 áskerı qyzmetshilerdiń otbasy qatysty.

Baıqaýǵa qatysýshy otbasylar «Otbasyny qadirleý – baqytty bolý», «Berik otbasy – baqytty balalyq shaq», «Meniń otbasym – meniń baqytym», «Baqytty ómir súrgen úı», «Ata-analardyń ómiri – balalarda» nomınasııalary boıynsha baq synasty.

Otbasynyń biregeıligin, geneologııalyq shejiresin, qyzyqty otbasylyq faktilerdi, tarıhyn, tanysý sátinen bastap jáne osy ýaqytqa deıingi oqıǵalardy baıandaıtyn óziniń otbasyn tanystyrýǵa arnalǵan «Meniń otbasym jáne otbasymnyń tarıhy» bóliminde otbasynyń urany men eltańbasyna ár otbasy ózinshe daıyndalyp kelgeni kórindi.

Suraq-jaýap kezeńinde toptar maqaldyń jalǵasyn qınalmaı taýyp, suraqtarǵa múdirmeı jaýap bere bildi.

Baıqaýdyń sońǵy sharty – úı tapsyrmasy kezeńinde «Otbasy áýestigi» taqyrybynda qatysýshylar horeografııa, vokal, mýzykalyq aspaptarda oınaý, teatrlandyrylǵan óner, dekoratıvtik qoldanbaly jáne beınelý ónerinen ózderiniń jetistikterin kórsetti. Áskerı otbasylardyń arasynda ónerli, talantty, daryndy ákeler, olardy qoldap júrgen analar, solarǵa qarap ósil kele jatqan óskeleń urpaqtary bar ekeni kórindi. Qatysýshy januıalardyń biri Muqaǵalı Maqataevtyń «Aqqýlar uıyqtaǵanda» poemasynan teatrlandyrylǵan kórinis kórsetse, kelesisi gıtaramen án salyp, karateden tárbıelep júrgen shákirtterimen birge sporttyq qoıylym qoıdy. Al endi biri shet tilderde án aıtyp, ózge ulttardyń bılerin bıledi.

Súleımbekov Abzal Myrzauly januıasy jary, úsh balasymen birge erekshe mýzykamen, jarq etip shyǵa kelgende zal toly kórermen, qoshemetpen qol soǵyp otyrdy.Birden sýyrylyp alǵa shyqty.Sahnaǵa jarasymdylyqpen birinen keıin, biri shyǵyp jatqan otbasylarǵa qyzyǵa qaraısyń.

Baıqaý qorytyndysy boıynsha qazylar alqasy qatysýshylarǵa oryndar úlestirip, zattaı syılyqtar, gúl shoqtary, táttiler, balalarǵa túrli oıynshyqtar berildi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir