• USD 378.65
  • EUR 430.07
  • RUB 6
  • CNY 55.1
24 Qyrkúıek, 00:36:40
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

20 Tamyz, 2019 Aımaqtar

Tarazda eńbek ardagerleri arasynda toǵyzqumalaqtan jarys ótti

Ozyq oılylar oıynynan ótken jarysqa «Toǵyzqumalaqty tegin úırenemiz» ataýymen ótken aksııa aıasynda bir aı boıy ulttyq oıynniń qyr-syryn meńgergen 15 aqsaqal qatysty.

Oblys ákiminiń yqpalymen Ardagerler úıine janama etip, arnaıy ardagerler úshin soǵylǵan «Belsendi uzaq ómir súrý» ortalyǵynda oblys ardagerleri arasynda toǵyzqumalaq jarysy ótkizildi. Ozyq oılylar oıynynan ótken jarysqa «Toǵyzqumalaqty tegin úırenemiz» ataýymen ótken aksııa aıasynda bir aı boıy ulttyq oıynniń qyr-syryn meńgergen 15 aqsaqal qatysty dep jazady Qamshy.kz aqparat agenttigi. 

Bul jarystyń ereksheligi, toǵyzqumalaq oıynyn burynnan oınap júrgen ardagerler qatystyrylmaı, tek úıirmege úırený úshin turaqty kelip qatysqan ardagerler arasynda ǵana ótkizilýinde boldy. Jarysty oblystyq ardagerler keńesiniń tóraǵasy Erkimbek Soltybaev qorytyndylap, jarys jeńimpazdaryn medaldarmen, gramotalarmen, aqshalaı syılyqpen jáne toǵyzqumalaq taqtasymen, kitabymen marapattady.

Marapatqa Jambyl oblysy boıynsha «Toǵyzqumalaq qazaq ulttyq oıyn qaýymdastyǵy» QB tóraǵa orynbasary Baıshyǵashev О́men qatysty.

Jarys jeńimpazdary bolyp, birinshi Altyn medaldi ardager Djaparov Turar, ekinshi kúmis medaldi ardager Baıshonov Muhametilda, úshinshi qola medaldi Ahmet Sansyzbaı, al «Márt» syılyǵyn ardager Jamanbaev Maltabar ıelendi.

Aıta keteıik, jambyldyq ardagerlerge ulttyq oıyndy «Áýlıe ata» ulttyq sport túrleri klýbynyń jattyqtyrýshysy Erbol Nurhanov úıretken bolatyn. Jalpy, «Toǵyzqumalaqty tegin úırenemiz» aksııasy Jambyl oblystyq toǵyzqumalaq qaýymdastyǵy qolǵa alǵan bolatyn. Ondaǵy maqsat – ulttyq oıyndy ardagerler arasynda úıretip, ony damytyp, nasıhattaý.

Rasynda, qazaq halqynyń ulttyq oıyny – toǵyzqumalaqqa elimizde sońǵy jyldary aıryqsha nazar aýdarylyp kele jatqany belgili. Túrkııa elinde sporttyń osy túrinen besinshi álem chempıonaty ótken bolatyn. Sol dodada álemniń 19 elinen úmitkerlerdiń qatysýy toǵyzqumalaqtyń halyqaralyq deńgeıde tanyla bastaǵanynyń bir dáleli. Endigi qadam – eńbek ardagerlerine toǵyzqumalaq oıynynyń erejesin túsindirip, úıretý jumystary qolǵa alyndy.

Ardagerler bul ıgi bastamany úlken qýanyshpen qoldady. Sebebi zeınet jasyndaǵy olar úshin bos ýaqyttaryn tıimdi paıdalanyp, salaýatty ómir saltyn ustanýdy kózdeıdi.

Sondaı-aq, ardagerler «Úshbas» sporttyq oıynynyń da erejelerimen tanysqan bolatyn. «Úshbas» asyq oıyny túrli ıdeıalardy qamtı otyryp, qazirgi zamanǵa laıyqty etip jasalǵan. Ol shahmat taqtasyna uqsas jınalmaly ústel ústinde oınalady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir