• USD 378.65
  • EUR 430.07
  • RUB 6
  • CNY 55.1
21 Qyrkúıek, 01:15:48
Kevın Gaston: Bul tabıǵattyń qurdymǵa ketýi degen sóz

20 Tamyz, 2019 Áleýmet

Kisisi ólgen qaraly úıdiń shyǵyndanýy durys pa?

Elimizde anaý-mynaý merekeden esh kem túspeıtin as berý rásimi sánge aınalyp barady. Jurt kúlip ketedi dep, dúnıeden ótken adamdy jerleýden keıin júzdegen adamǵa as berildi, shapan, taqııa, oramal, taratyldy. Jalpy, kisisi ólgen qaraly úıdiń osynshalyq deńgeıde shashylyp, shabylýy durys pa?

Oǵan qatysty ýaǵyz aıtyp júrgen ımamdardyń da jelide tarap júrgen pikirleri ár túrli. Biri jetisin, qyrqyn jáne jylyn berý sharıǵatta joq dese, endi biri muny jasamaǵan adam musylman emes dep kesip aıtqan. Sonymen kimdiki durys? Bul ǵuryptar shynynda sharıǵatqa qaıshy ma? Tilshi zerttep kórgen edi.

Baqılyq bolǵan adamnyń artynan ár óńirde jetisin, qyrqy men jylyn ótkizý dástúri burynnan bar. Iаǵnı qazan-qazan et asyp, qatar-qatar asta-tók dastarhan jaıylady. Osy máselege kelgende túrli dinı pikirler kóbeıdi. Elimizdiń tuńǵysh múftıi bul ǵuryp sharıǵatymyzda bar ekenin aıtqan.

"Jetisi, qyrqy, jyly sharıǵatta bar. Al bar bolsa, mindetti ma, joq erikti me degen saýal týady. Erikti", - deıdi QR Tuńǵysh múftıi Ratbek qajy Nysanbaıuly. 

Al  tanymal teolog, din nasıhatshysy  Arman Qýanyshbaev as berý degen sharıǵatymyzda bar deıdi. Alaıda onyń pikirinshe, jetisin, qyrqyn, jylyn ótkizý sharıǵatta belgilenbegen.

"Anany da mynany da jaqtaý emes maqsat. Bul jerde shaıǵattyń úkimi. Rasynda da qyrqy, jyly dep belgilenbegen. Ol sharıǵatymyzda joq nárse", - deıdi teolog, QMDB janyndaǵy Respýblıkalyq aqparattyq túsindirme tobynyń múshesi Arman Qýanyshbaev. 

Osylaısha bul máselege qatysty pikir ártúrli bolyp otyr. Osy sebepti Qazaqstan Musylmandar dinı basqarmasynan el arasynda sińisip ketken ǵuryptarǵa qatysty pikir surap kórgen edik. Basqarmanyń pátýa bóliminiń mamany jetisi, qyrqy men elýine qatysty naqty bir úkimi joq deıdi. Biraq topyraqty ólimdi torqaly toıǵa aınyldyryp jiberýge bolmaıdy.

"Salt dástúr retinde qalyptasqan halyqta. Iаǵnı ol jerdegi maqsat - janazaǵa qatysa almaǵan týǵan týystarynyń, jora joldastyń bastaryn qosyp, sol jerdegi kóńil aıtý", - deıdi Qazaqstan musylmandar dinı basqarmasy pátýa bóliminiń mamany Bóltirik Muhammedııar.

Jalpy el aldynda ýaǵyz aıtatyn ımamdardyń pikir qaıshylyǵy buǵan deıin de bolǵan. Esterińizge salsaq, ótken jyly dintanýshy Rızabek Battalulynyń meshitke jınalǵan jamaǵat aldynda "sharıǵat áıeldi urýǵa ruqsat beredi" degen ýaǵyzy áleýmettik jelide biraz shý bolǵan edi. Osyndaı jaǵdaılar qaıtalanbas úshin dinı basqarmasy ımamdardyń birizdilikpen sóıleý, Quran aıattaryn, hadısterin durys jetkizý jyl saıyn olardyń biliktiligin arttyrý jumystaryn júrgizip keledi.

Hamzat Qajymuratuly, Qazaqstan musylmandar dinı basqarmasy nasıhat jáne qoǵammen baılanys bóliminiń mamany: "Qazaqstan boıynsha 300-ge tarta nasıhat toby bar. Biz ár jyl saıyn ımamdarymyzdyń, din qyzmetkerleriniń biliktiligin arttyryp otyramyz. Jalpy mynaý sheshendik óner boıynsha, maqala jazý boıynsha".

Dinı basqarma mamandarynyń sózinshe, barlyq ımamnyń deńgeıi birdeı emes. Kezinde kadrlar óte tapshy boldy. Dinnen, Qurannan az-maz habary barlar ımam bolyp kete bardy. Sonyń saldarynan ózi ne bilse, sony aıtyp, kópshilik arasynda nasıhattap júrdi. Al qazir din nasıhatshylaryna asyǵystyqpen pátýa bermeýdi, "Quran, hadıs aqıqatty aıtyp tur" dep barlyq jerde aıta berýge bolmaıtynyn eskertip keledi eken.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir