Jambyl oblysynyń baǵbandary erekshe kásipti ıgerip jatyr

Jambyl oblysy kásipkerler palatasynyń bastamasymen tuńǵysh ret oblystyń barlyq aımaqtarynda lımon, anar, júzim jáne badam ósirý boıynsha oqytý semınarlary ótkizilýde. Osyǵan oraı Merki aýdandyq mádenıet úıinde Jambyl oblysy kásipkerler palatasynan quralǵan top músheleri kelip, kásipkerlermen kezdesti dep jazady Qamshy.kz aqparat agenttigi. 

Qosalqy sharýashylyqty tıimdi paıdalaný, óz aýlańdaǵy jer telimińnen tabys tabýǵa baǵyttaryn úıretýdi maqsat tutqan jıyndy oblystyq «Atameken» kásipkerler palatasynyń dırektory Oljas Qarjaýov júrgizdi.

450-ge jýyq jeke kásipkerler men kásip ashýǵa nıetti azamattar lımon ósirý, badam, júzim, anar ósirýdiń tásilderi men ádisterin tyńdaýǵa jınaldy. Endi aımaqtaǵy turǵyndardyń áleýmettik-ekonomıkalyq jaǵdaıyn kóterý maqsatynda kásipkerler Palatasynyń uıymdastyrýymen Jambyl oblysynda qosalqy sharýashylyqty damytý boıynsha «10 sotyq» pılottyq jobasyn iske asyrýdy qolǵa alǵan bolatyn. Jobanyń maqsaty: qosalqy sharýashylyqty tıimdi paıdalaný, odan tabys tabý, aýyldyq jerlerdegi turǵyndardyń áleýmettik jaǵdaıyn kóterý.

Osy maqsattardy iske asyrý úshin Kásipkerler palatasynyń Jambyl oblysynyń aýa raıy men topyraq quramyna jaıly, jaqsy ónim beretin daqyldardy zerdelep, tabysy mol bolatyn daqyldardy tańdady. Olar: anar talyn ósirý, júzim, lımon, badam ósirýmen aınalysý bolyp tańdaldy. Budan basqa kásipkerler palatasy aýyl turǵyndaryna 50 joba boıynsha úıretý semınarlar ótkizip, daıyn jobalardy iske asyrýǵa shaqyrýda.

Osy semınarda О́zbekstan memleketiniń Andıjan qalasynan kelgen agronom - maman Mashal Hýshvakt anar ósirý men júzim, badam ósirýdiń ádis-tásilderin úıretti.

Sonymen qatar Shymketten kelgen Serǵazy Bekmuratov óziniń lımon ósirý jylyjaıyn kórsetip, onyń suryptarymen tanystyrdy.

Jıynǵa kelgender qyzýshylyq bildirip, óz suraqtaryn qoıdy. Kóbine «Atameken» kásipkerler palatasy aryqyly nesıe alýdyń joldary, kóshet alý, nesıelendirý jónindegi suraqtar qoıdy. Oblystyq «Atameken» kásipkerler palatasynyń dırektory Oljas Qarjaýov barlyq suraqtarǵa tolyqqandy jaýap berdi.

Máni men mańyzy zor basqosýdy aýdan ákimi Meıirhan О́mirbek qorytyndylap, qosalqy sharýashylyqty qolǵa alýǵa shaqyrdy.