• USD 378.65
  • EUR 430.07
  • RUB 6
  • CNY 55.1
24 Qyrkúıek, 00:38:30
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

20 Tamyz, 2019 NEWS

Atyraý oblysynda sport kúni atalyp ótti

​Atyraýda sport kúnine arnalǵan merekelik shara ótti, – dep habarlaıdy Atyraý oblysynyń óńirlik kommýnıkasııalar qyzmeti.

Sharaǵa qatysqan óńirdiń basshysy Nurlan Noǵaev sportshylarǵa sáttilik jáne álemdik arenalarda jańa jeńister tiledi.

– Prezıdenttiń tapsyrmasy boıynsha elimizde sportty damytý úshin barlyq jaǵdaı jasalyp jatyr. Bizdiń óńirimizde osy salany qoldaý maqsatynda túrli sharalar ótkizilýde. Qala men aýdandarda jańa sport keshenderi salynyp jatyr, kúrdeli jóndeý júrgizilýde. Búgingi kúni oblys turǵyndarynyń 32 paıyzy sportpen belsendi aınalysady. Biz sizderdiń jeńisterińizdi maqtan tutamyz jáne olardyń neǵurlym kóp bolǵanyn tileımiz, – dedi óńir basshysy.​ ​ ​ ​ ​ ​

Saltanatty shara barysynda sport ardagerleri, bapkerler jáne birqatar sportshylar alǵys hattarmen marapattaldy. Thekvondodan QR eńbegi sińgen sheberi, Pekındegi jazǵy Olımpıada oıyndarynyń qola júldegeri Arman Chılmanov qurmetti qonaq retinde qatysty.

Aıta keteıik, birinshi jartyjyldyqta oblysta 750-ge jýyq sporttyq shara ótti. 2018 jyly Atyraý oblysynyń sportshylary respýblıkalyq jáne halyqaralyq jarystarda 1200 medal jeńip alsa, 2019 jyldyń basynan beri atyraýlyqtar túrli deńgeıdegi jarystarda 800 medalge ıe boldy.

Merekelik shara konsertpen aıaqtaldy. ​ ​ ​ ​ ​ ​

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir