Jambyldyq jastar jumyssyz qalmaıdy

Jambyl oblysynda jastar arasyndaǵy jumyssyzdyq deńgeıi jyl ótken saıyn tómendep keledi. Nátıjesinde, aǵymdaǵy jyldyń alǵashqy jartysyndaǵy esep boıynsha oblysta «eki qolǵa bir kúrek» tappaı júrgen jastar sany elimiz boıynsha eń az deńgeıdi kórsetken dep jazady Qamshy.kz aqparat agenttigi. 

Atqarylǵan jumystar nátıjesinde jastar arasyndaǵy jumyssyzdyq deńgeıi 2,4 paıyzdy qurap otyr. Bul kórsetkish ótken jyly 2,9 paıyzdy quraǵan. Bul basqa óńirler arasyndaǵy eń tómengi kórsetkish. Respýblıka boıynsha kórsetkish — 3,9 paıyzdy qurap otyr. Máselen, bul meje Almaty men Soltústik Qazaqstan oblystarynda — 2,9 paıyz, Aqtóbe oblysynda — 3,0 paıyz.

Bul nátıjege qol jetkizýge óńirde «Qazaqstan 2020: bolashaqqa jol» memlekettik jastar saıasatynyń Tujyrymdamasy jáne Qazaqstan Respýblıkasy Úkimetiniń 2019 jylǵy 2 sáýirdegi №153 qaýlysymen bekitilgen Jastar jylyn ótkizý jónindegi Jol kartasyna sáıkes bekitilgen Jambyl oblysynda memlekettik jastar saıasatyn iske asyrýdyń 2019-2020 jyldarǵa arnalǵan Jol kartasynyń júıeli túrde júzege asýy úlken septigin tıgizip otyr.

Jalpy, atalǵan jol kartasynda 65 is-shara belgilengen. Búgingi kúni onyń 11 oryndalyp, 46-sy oryndalý ústinde. Jyl sońyna deıin 8-in tolyq oryndaý josparda bar.

О́ńirde 239 151 jas bar. Onyń 89 577 nemese 37,5 paıyzy qalada tursa, 149 574 nemese 62,5 paıyzy aýyldyq jerlerde. Jastar jalpy oblys halqynyń 21,2 paıyzyn quraıdy.

Jiktep aıtar bolsaq, 92 424 jas – mektepte, kolledjde, joǵary oqý oryndarynda bilim alýda. 5 739-i jumyssyz, 18 653-i NEET jastar qatarynda. 57 400 jas óz betimen jumysqa qamtylsa, 64 935-i túrli salada jumys isteıtinder.

Oblysta jastar saıasatynyń júıeli júzege asýyna oblys ákimdiginiń jastar saıasaty máseleleri basqarmasy jaýapty. Salanyń tirligin tikteý maqsatynda oblys ákimi men Taraz qalasy, aýdan ákimderi arasynda kelisimge sáıkes 7 meje, al basqarma men aýdan, Taraz qalasy ákimderi arasynda 4 meje belgilengen.

Onyń ishinde, 7-i jastardy jumyspen qamtýdyń belsendi sharalaryna tartýǵa baǵyttaldy. Atalǵan kelisim aıasynda jyl sońyna deıin 11 myńǵa jýyq jasty jumyspen qamtý kózdelgen. Atalǵan baǵytta atqarylǵan jumystarǵa sáıkes, jyl basynan beri 6 758 jas jumyspen qamtýdyń belsendi sharalaryna tartylyp, meje oryndalǵan.

Olardyń 2 604-i vakanttyq bos jumys oryndaryna ornalassa, 977-si qysqa merzimdi kásibı oqytýǵa, 1624 túlek jastar tájirıbesine, 271-i áleýmettik jumys oryndaryna, 775-i aqyly qoǵamdyq jumystarǵa joldanǵan. Al, 437 jas «Bıznes-bastaý» jobasymen kásipkerlik negizderine oqytýǵa joldanyp, 50-i shaǵyn nesıe aldy, 20 jas qaıtarymsyz grant aldy.