• USD 378.65
  • EUR 430.07
  • RUB 6
  • CNY 55.1
17 Qyrkúıek, 03:10:16
Qazaqstanda másele sheshilý úshin aldymen adam ólý kerek

20 Tamyz, 2019 Aımaqtar

Jambyldyq sharýalar ýaqytpen sanaspaı shabyndyqta júr

Máselen Moıynqum aýdanynda shóp daıyndaý naýqany bastalǵaly bir aı kóleminde ýaqyt ótip, sharýalar shabyndyq basynda ýaqytpen sanaspaı qyzý eńbek etýde.

 

El ekonomıkasynyń negizgi draıveri agro sala ekeni belgili. Ony Elbasy da, Prezıdent te basa aıtyp, árbir sózinde aýyl sharýashylyǵyn damytýǵa basymdyq berip keledi. Al egisten mol ónim alý úshin alajazdaı dala tósinde tirlik etý kerek bolsa, tórt túliktiń basyn kóbeıtý úshin kútim men jemi daıyndalýy qajet. Osy oraıda jambyldyq qojalyqtardyń qysqa qamdanýy qýanarlyqtaı dep jazady Qamshy.kz aqparat agenttigi. 

Máselen Moıynqum aýdanynda shóp daıyndaý naýqany bastalǵaly bir aı kóleminde ýaqyt ótip, sharýalar shabyndyq basynda ýaqytpen sanaspaı qyzý eńbek etýde. Solardyń biri - 2003 jyly qurylǵan «Aıqyn» sharýa qojalyǵynyń shabyndyqqa shalǵy túsirip, qystyq mal azyǵyn jınaýǵa bilek sybana kiriskenderine bir aıdan asa ýaqyt ótti. Aq bas jáne Angýs qara buqalaryn syrttan ákelip, asyldandyrý baǵytynda sıyrdyń etti tuqymyn ósirýmen aınalysyp jatqan qojalyq ıeliginde búginde 720 qoı, 313 sıyr, 150-ge tarta jylqy maly bar.

«Mal azyǵy – jan azyǵy» ekenin etene jaqsy biletin qojalyq jetekshisi Aıdar Kemelqulovtyń qojalyǵynda 560 gektar shabyndyq jáne 440 gektar jaıylymdyq jerler bar. Qojalyq búgingi tańǵa 4 myńǵa jýyq orama (rýlon) shóp daıyndap úlgergen. Mundaǵy bir orama shóp 400-450 kılogramm salmaq tartady. Qojalyq qysqa qajetti mal azyǵyn qystaýlarǵa tolyqtaı jınap, qalǵan shópterdi aýdan turǵyndaryna bir orama shópti 1800-2000 teńge aralyǵyndaǵy baǵamen ótkerýde. Naýqanǵa 8 adamnan quralǵan 5 traktor, shóp shabatyn, jınaıtyn, oramaǵa túsiretin tehnıkalar túgeldeı jumyldyrylǵan. Qojalyq jetkshisiniń aıtýynsha, sharýalar bir kúnde 100 orama shóp daıyndaıdy. Onyń ústine shabyndyqtarda shóp bıyl bitik shyǵypty. Tek bir ókinishtisi naýqan barysynda oryn alǵan tilsiz jaý – órt istiń ilgeri júrýine bir aptadaı ýaqyt óz kedergisin keltirgen.

Qazirgi tańda mal azyǵyn aýdan ortalyǵyna jáne Qylyshbaı aýylyna jınap jatqan qojalyq jetekshisi, byltyr 5,5 myń tonna shóp jınasa, bıyl sol mejeni shóp naýqany aıaqalǵansha asyra oryndamaq. Aıdardyń óz jumysshylaryna degen atymtaı jomarttyǵy da bar ekenin aıta ketken jón. Ol sharýasyn shalqytyp, jumysyn jandandyryp otyrǵan jumysshylaryna mal azyǵy shópti tegin berip otyr. Naýqan kezinde jumysshylardyń aılyǵy da qomaqty ekenin aıtady ol. Sonymen qatar qojalyq jetekshisi Aıdar Jıenqululy bıyl aıdarlylyq «Bekjan» sharýa qojalyǵynyń jetekshisi Nıetbek Aldabergenovpen birlese otyryp, 30 gektar jerge júgeri egipti. Buǵan deıin arpa-bıdaıdy malǵa aıyrbastap kelgen qojalyq jetekshisi bıyl endi ózderi ekken júgeri ónimderin mal azyǵyna aınaldyrmaq.

Aýdan boıynsha bıyl 23 228 gektar shabyndyq jerden 111 600 tonna qystyq mal azyǵyn jınaý kerek bolsa, búgingi tańǵa 84200 tonna shóp daıyndap úlgergen moıynqumdyq sharýalar aldaǵy qys maýsymyna tııanaqty daıyndalýda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir