• USD 378.65
  • EUR 430.07
  • RUB 6
  • CNY 55.1
24 Qyrkúıek, 00:40:12
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

20 Tamyz, 2019 Aımaqtar

Jambyl oblysynda lımon ósirýge múmkindik mol  

«Jylyjaıda lımon ósirý tehnologııasy, júzim, anar, badam (mındal) ósirý» boıynsha mańyzdy semınar ótti.

 

Jýyrda Moıynqum aýdany ákimdiginiń májilis zalynda Jambyl oblystyq kásipkerler palatasynyń uıymdastyrýymen eldi-mekenderdegi qosalqy sharýashylyq jerlerin tıimdi paıdalanýǵa baılanysty «Jylyjaıda lımon ósirý tehnologııasy, júzim, anar, badam (mındal) ósirý» boıynsha mańyzdy semınar ótti dep jazady Qamshy.kz aqparat agenttigi.

Semınar keńeske aýdan ákiminiń orynbasary Baqytjan Qalymbetov tóraǵalyq etip, jıyndy ashyp, júrgizip otyrdy.

Bereri mol basqosýda aýdanǵa arnaıy at basyn tiregen oblystyq kásipkerler palatasynyń Agroónerkásip bóliminiń basshysy Ermek Dildabekov, aýyl sharýashylyǵy salasyndaǵy táýelsiz ekspert, agronom Bekmurat Serǵazy, О́zbekstan Respýblıkasynyń sarapshysy, agronom Mashaljon Hýshvakovtar sóz salyp, atalǵan bıznes-modelder shaǵyn kásipkerlikti damytýǵa baǵyttalatynyn ári bıznes-modelderdi júzege asyrý, súıemeldeý jáne túsindirý - semınar keńestiń negizgi maqsaty ekenin alǵa tartty.

Sóz kezeginde aýyl sharýashylyǵy salasyndaǵy táýelsiz ekspert, agronom Bekmurat Serǵazy: «Jylyjaıda qyzanaq pen qııar, taǵy da basqa túrli-túrli kók shópter ósirýge bolatyn sizder burynnan jaqsy bilesizder. Biraq ol qajyrly eńbekti kóp talap etetini belgili. Sonymen qatar baǵasy da tym arzan. Al lımon jylý men sýdy kóp qajet etpeıdi. Jáne naryqta óz baǵasyn ósirmese kemitpeıtin, suranysqa ıe ónim. Biz 2010-2011 jyldary kóshet shyǵarýdy úırendik. Qazir halyqty sol sapaly kóshetpen qamtamasyz etip jatyrmyz. Bizde qazir lımonnyń 3-4 sorty bar. Birinshisi «tashkent lımony F1» ekinshisi «lıýbıleınyı S2», úshinshisi «meıer», sosyn «pavlovskıı», «panderoza» degen sorttary men mandarınniń, apelsınniń birneshe sorttary bar. Sonymen qatar jergilikti tabıǵatqa beıimdelgen apelsın jáne mandarın sorttarymyz da bar. Jalpy, ósimdikterdiń birazyn ózimiz óndirip, kóshetin shyǵaryp jatyrmyz» - deı kele, osy baǵytta aýyl turǵyndarynyń áleýmettik turmystyq tabysyn jaqsartýǵa bolatynyn slaıd arqyly keńinen aıtyp, túsindirip berdi. Sondaı-aq, jıynǵa qatysýshylardyń denin «Moıynqum topyraǵy lımon ósirýge qolaıly ma?» degen saýal mazalaǵany anyq boldy. Bul saýalǵa agronom Bekmurat Serǵazy, ol kóp jerlerdi aralap, topyraq qunarlyǵyn keńinen zerttegendikterin aıta kele, Moıynqum – topyraǵy qunarly, lımon ósirýge qolaıly jer ekendigin atap ótti.

Atalmysh semınarǵa 16 aýyldyq okrýg, aýyl ákimderi jáne kásibin jańadan bastaýǵa nıetti aýyl turǵyndary men jastary qatysyp, olar

bıznes salasyndaǵy kókeıde júrgen barlyq saýaldaryna tushymdy jaýaptar ala bildi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir