• USD 468.56

  • EUR 497.56

  • RUB 7.3

  • CNY 67.18

28 Naýryz, 21:32:18
Almaty
+35°

20 Tamyz, 2019 Aımaqtar

Jambylda júgeri sharýashylyǵy qarqyndy damyp jatyr

Osy agrosalany qaıta damytý maqsatynda Jambyl oblysy Moıynqum aýdanyna Máden Musaev ákim bolyp kelgeli kóp tirliktiń boıyna qaıta qan júgirdi 

Elimizde sońǵy jyldary aýyl sharýashylyǵy salasyna aıyryqsha kóńil bólinip keledi. Sýarmaly jerlerdi tıimdi paıdalaný, mol ónim alý úshin ǵylym men tehnıka jetistikterin paıdalaný arqyly sapaly ónim óndirý kerektigi búgingi kúnniń basty talabyna aınaldy. Ol úshin árıne óndiriletin ónimniń kólemi men sapasyn arttyrý da kerek bolady. Osy agrosalany qaıta damytý maqsatynda Jambyl oblysy Moıynqum aýdanyna Máden Musaev ákim bolyp kelgeli kóp tirliktiń boıyna qaıta qan júgirdi dep jazady Qamshy.kz aqparat agenttigi. 

Eń aldymen, erte kúzden kanaldardy tazalaýdy, tehnıkalar jetkizip, jer jyrtylyp jatqanda - aq tyńaıtqysh, sapaly tuqym máselesin de sheship, basqa da aram shópterge qarsy preparattar daıyndap, onymen qosa júgeri ónimin ótkizetin oryndarmen kelissózder de aldyn -ala júrgizilip qoıǵan bolatyn.

Aýdan ákimi M.Musaev aýdan aýmaǵyndaǵy júgeri egip, ósirip jatqan Bınazar, Birlik, Keńes, Qyzyltal, Qyzylotaý aýyldyq okrýgterinde bolyp, júgeri alqaptaryn arnaıy aralap, onyń jaı-kúıimen tanysty.

Aldymen at basyn Bınazar aýyldyq okrýginde júgeri daqylyn alǵashqylardyń biri bolyp ekken dıqan Qambar Ataevtyń 10 gektar júgeri alqabynda bolyp, jumys qarqynyn kózben kórdi.

Budan soń Aıdarly aýylyndaǵy «Aq Otaý» sharýa qojalyǵynyń 50 gektar júgeri alqabymen tanysyp, sobyqtaryn saralap kórdi. Sodan soń Birlik aýylynda bolyp aýdandyq bıýdjet esebinen jaqynda ǵana satyp alynǵan júgeri oratyn «Hersones -9» markaly 3 kombaınnyń jaı-kúıimen tanysty. Birlik aýyly mańyndaǵy Erkebulan Dýbaev basqaratyn «Qurdastar» agronyń júgerisi nashar shyqqanyn kórip, onyń sebepteri sýshynyń joqtyǵynan bolǵanyn bildi. Al Taraz ınnovasııalyq-gýmanıtarlyq ýnıversıtetiniń 120 ga, «Baıbaraq» Agronyń 25 gektarǵa jýyq júgerileri jaıqalyp, bitik shyqqan eken. Osy jerde aýdan basshysy Máden Toqtarbaıuly dıqan Almabek Ábdihalyqovtyń júgeri alqabynda, júgerini sýǵaryp júrgen balasymen sóılesip, jaǵdaıyn bildi. Olar júgeriniń birinshi sýǵarýyna 5 azamatpen kelisim jasasqan eken, qazir sońǵy sýyn salyp jatqanyn, júgeriniń ár gektarynan 7 tonnadan júgeri alatyny aıtyldy.

Kókjelek aýylynyń shyǵys jaǵyndaǵy 200 gektar júgeri alqabynda da boldy. Júgeriniń shyǵysy bul jerde de oıdym-oıdym bolyp shyqqan eken. Onyń sebebi sýshynyń joqtyǵy, biraq kanaldarda sý toly aǵyp jatyr. Al Kúshaman aýylyndaǵy 129 gektar jerge júgeri ekken «Nur Temir», «Kúshaman» kooperatıvteriniń jáne Temirhan Aqbalaevtyń júgerileri

búginde bıik shyǵyp, jaıqalyp tur. Sonymen qatar aýyldyq okrýgte 72 gektar jerge tary egilipti.

- Bıylǵy jyly tary daqylynyń shyǵymy óte joǵary. Osyǵan qaraǵanda byltyrǵy jyldary gektaryna 30 qaptan ónim alsaq, al bıyl gektaryna 60 qap tarydan alamyz,- deıdi okrýg ákimi Keńesbeı Sarbasov nyq senimmen.

Sapar barysynda aýdan basshysy dıqandarmen birge mehanızator, sýshylarmen de áńgimelesti. Onda shyqqan ónimdi durys kútip-baptap, odan joǵary ónim alý jaǵy basa aıtyldy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir