• USD 378.65
  • EUR 430.07
  • RUB 6
  • CNY 55.1
18 Qyrkúıek, 07:53:49
Aýyl sharýashylyǵy mınıstrliginiń nazaryna! «Jem shóptiń baǵasy kúıip tur, qamshyńa jazshy», – deıdi ákem

20 Tamyz, 2019 Aımaqtar

Jambylda júgeri jaıqalyp tur

Olar aldymen Aıdarly aýylyndaǵy «Bekjan» sharýa qojalyǵynyń jumysymen tanysty.

Memleket basshysy Qasym-Jomart Toqaev halyqtyń ómir súrý sapasyn arttyrý barysynda jergilikti atqarýshy organdardyń aldyna qoıǵan mindetterin oıdaǵydaı oryndap shyǵý maqsatynda Parlament Senatynda qabyldanyp jatqan zańdar boıynsha pikir almasý, aýdandyq máslıhattyń depýttarymen kezdesý, jalpy aýdannyń tynys-tirshiligimen tanysýdy tapsyrǵany belgili. Osyǵan oraı Qazaqstan Respýblıkasy Parlamenti Senatynyń depýtattary Joldasbaev Muratbaı Smataıuly men Nuralıev Abdaly Toqbergenuly Moıynqum aýdanynda boldy dep jazady Qamshy.kz aqparat agenttigi. 

Qonaqtardy aýdan ákimi Máden Musaev pen aýdandyq máslıhattyń hatshysy Shahıkerim Isabekov qarsy aldy. Olar aldymen Aıdarly aýylyndaǵy «Bekjan» sharýa qojalyǵynyń jumysymen tanysty.

- Biz bıyl 30 gektar jerge júgeri, 20 gektar jerge arpa egip, ósirýdemiz. Bıyl aýdanda 25 jylǵa jýyq ýaqyttan beri egilmeı kelgen júgeri egilip, qýanyp otyrmyz. Sebebi, bizge burynǵy jyldary sý kelmeıtin. Aýdan, oblys basshylarynyń yqpalymen bıyl kanaldar tazalanyp, sý keldi. Egis egýge qajetti tehnıkalar, tuqymmen aýdan ákimi M.Musaev kómektesti. Endi mine júgeriniń ár gektarynan 50 sn. ónim alýdy josparlap otyrmyz,- dedi qojalyq jetekshisi Nıetbek Aldabergenov.

Iá, Nıetbek aıtsa aıtqandaı 3 márte sýarylǵan júgeriniń shyǵymy jaqsy, bitik ósken. Kisi boıynan asatyn júgerini kórgen senatorlar mundaǵy jumysqa rızashylyqtaryn bildirdi.

Birlik aýyly janyndaǵy Taraz ınnovasııalyq-gýmanıtarlyq ýnıversıtetiniń 120 gektar alqabynda bolǵanda da qonaqtar mundaǵy atqarylyp jatqan jumystarǵa kóńilderi tolatyndyǵyn jetkizdi.

-Júgeri egýge barlyq jaǵdaılar jasalypty. Qajetti tehnıkalardyń bárin jańadan alypsyzdar. Endi dıqandar alańsyz jumys isteı berýge bolady eken. Jańa ǵana kanaldardan sýdyń tolyp aǵyp jatqanynda kórdik,- dedi Senat depýtaty M.Joldasbaev aýdandyq bıýdjet esebinen alynǵan Birlik aýylyndaǵy aýyl sharýashylyǵy tehnıkalaryn kórip turyp.

Kúshaman aýylynyń kúnbatys jaǵyndaǵy belden asyp ketken tary da Senatorlar nazarynan tys qalmady. Shyǵymy jaqsy, bitik ósken tarydan bıylǵy jyly mol ónim alynatyny shyndyǵynda da kórinip tur. Endi ony en bastysy ýaqytynda sýaryp, maldan qorǵaı bilý qajet ekendigi de aıtylmaı qalmady.

Sapar sońynda depýtattar aýdan ákimdiginiń májilis zalynda aýdandyq máslıhattyń depýtattarymen kezdesti. Kezdesýge aýdandyq máslıhat depýtattarymen birge aýdan ákimdiginiń bólim, mekeme- uıym basshylary da qatysty.

Kezdesýdi aýdan ákimi M.Musaev ashyp, júrgizip otyrdy. Onda Senatorlar M.Joldasbaev pen A.Nuralıev sóz alyp, Parlamentte qabyldanyp jatqan zańdar, ondaǵy negizgi maqsat - jergilikti atqarýshy organdardyń jumysyn

ońtaılandyryp bir júıege túsirý, sol arqyly halyqtyń tabysyn kóterý, ál-aýqatyn jaqsartý ekenin atap ótti. Júzege asyrylyp jatqan barlyq memlekettik baǵdarlamalar eń aldymen qarapaıym halyqtyń turmys sapasyn arttyrýǵa baǵyttalyp otyrǵanyn jetkizdi. Aýdandaǵy egin salasyndaǵy aqtarylyp jatqan jumystarǵa rızashylyqtaryn bildirdi.

Kezdesýde oblystyq máslıhattyń hatshysy B.Qarasholaqov ta sóz sóıledi. Aýdandyq máslıhattyń hatshysy Sh.Isabekov Senatorlarǵa áserli áńgimeleri úshin alǵys aıtyp, Býryl-Baıtal-Merki tas jolynyń óz ýaqytynda, sapaly soǵylýyn nazarǵa alýlaryn surandy.

Aýdan ákimi M.Musaev kezdesý sońynda oblys ortalyǵynan shalǵaıdaǵy aýdanymyzǵa arnaıy atbasyn burǵandary úshin halyq qalaýlylaryna alǵys aıtyp, «Radaı» ózegine sý ustaıtyn tospa ornatýǵa respýblıkalyq bıýdjetten qarjy bóldirýge kómektesýlerin surandy. Olardyń aldaǵy jumystaryna tabys tiledi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir