• USD 468.56

  • EUR 497.56

  • RUB 7.3

  • CNY 67.18

28 Naýryz, 20:51:58
Almaty
+35°

20 Tamyz, 2019 Aımaqtar

Jambylda «Jomart júrek» jandar jeterlik  

«Jomart júrek» nomınasııasymen marapattaý rásimi Jambyl oblysy Moıynqum aýdanynda da atalyp ótti

 

Tuńǵysh Prezıdentimiz N.Á.Nazarbaevtyń «Bolashaqqa baǵdar: rýhanı jańǵyrý» atty maqalasynan týyndaǵan «Atameken» kishi baǵdarlamasy aıasynda «Jomart júrek» nomınasııasymen marapattaý rásimi Jambyl oblysy Moıynqum aýdanynda da atalyp ótti dep jazady Qamshy.kz aqparat agenttigi. 

Jalpy shalǵaı eldi mekende Elbasy bastamalaryn qoldaýǵa baǵyttalǵan sharýalar az emes. Olardyń qatarynda «Rýhanı jańǵyrýdan», «Bes áleýmettik bastama», «100 naqty qadam» Ult josparyn turǵyndarǵa jiti túsindirý men iske asyrýda da aýyz toltyryp aıtarlyqtaı jumystar az emes. Odan bólek, «Týǵan jerge tý tigip!» qaıyrymdylyq pen demeýshilikpen de aınalysyp jatqan mesenanttar barshylyq.

«Jomar júrek» nomınasııasyn marapattaý rásiminde aýdan ákiminiń orynbasary Baqytjan Qalymbetov sharanyń ózektiligine toqtalyp ótti. «Týǵan jer» jobasynda isker azamattardy týǵan ólkeni túletip, óńir ómirin jaqsartýǵa atsalysqan bolatyn. Týǵan jerine degen patrıottyq sezimin oıatqan qundy jobanyń nátıjesin búginde el kórip otyr. Osy joba aıasynda aýdanymyzda týyp-ósken aýylynda iri áleýmettik jobalardy iske asyryp, kópbalaly otbasylar men ata-ana qaraýynsyz qalǵan jetim balalarǵa kómek qolyn sozyp, qaırymdylyq jasap júrgen jandar az emes. Búgingi saltanatty quttyqtaý rásiminiń maqsaty - halyqty, bıznes-qurylym ókilderin, mesenattar men volonterlerdi týǵan jerin damytýǵa shaqyrý. Sondaı-aq, mesenattyq pen meıirbandyq ıdeıalaryn tanymal etý bolyp tabylady.

Mereıi tasyǵan, abyroıy asqan «Jomart júrek» syılyǵynyń ıegerleri qataryna «Orgstroı» JShS «Jyldyń úzdik uıymy» nomınasııasy, «Qulan TB» JShS basshysy Qaırat Bolatuly Qoıshybekov «Jyl mesenaty» nomınasııasy, Bákir Ámirequluly Isabekov «Jyl tulǵasy» nomınasııasy, Gaýhar Samatqyzy Zııabekova «Eren eriktilik» nomınasııasy, Aıdar Muqashev «Týǵan ólke» nomınasııasyna laıyq dep tanylyp, arnaıy Alǵys hattar men baǵaly syılyqtarǵa ıe boldy.

Osylaısha qurmet pen marapat qushaǵyna bólengender el alǵysyn da arqalady. Bul sóz joq, Elbasy tapsyrmalarynyń Jaz-ata aýylynda júıeli júzege asyp jatqanyn ańǵartady. Jáne «Jomart júrek» jandardyń aýyldyq jerlerden de kóptep shyǵyp jatqany qýantady.

«Ár qazaqty jalǵyzym de» degen osy bolar, shirkin...

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir