• USD 378.65
  • EUR 430.07
  • RUB 6
  • CNY 55.1
17 Qyrkúıek, 13:30:45
Qazaqstanda másele sheshilý úshin aldymen adam ólýi kerek

20 Tamyz, 2019 Aımaqtar

Jambyldyqtar jańa meshittiń qurylysyna belsene atsalysty

Aýyldyń ortalyq kóshesine salynǵan meshit úıi óziniń ásemdigimen erekshe kóz tartady. Ertemen Almaty qalasynan kelgen qonaqtar meshit edenine ákelgen qaly kilemderin tósep, jaryq shamdaryn (lıýstra) ilip jatty.

Jambyl oblysynyń kartasynda jalpaǵynan jatqan Moıynqum aýdany qaı kezde de óziniń óndiristegi óristeýimen jáne agro saladaǵy alshańdyǵymen tanylǵan ólke. Oǵan bir ǵana dálel Keńestik kezeńde dál osy aýyldan eki dúrkin Sosıalıstik Eńbek Eri Jazylbek Qýanyshbaevtaı nar tulǵalar shyqty. Endi mine eldi meken órkenıet kóshinen qalmaı rýhanı jańǵyrýǵa da ólsheýsiz úles qosýda dep jazady Qamshy.kz aqparat agenttigi. 

Jalpy Moıynqum ólkesindegi Ulanbel aýyly aýdan ortalyǵynnan shalǵaıda ornalasqan eldi-meken. Tikeleı mal sharýashylyǵymen aınalysatyn bul aýylda myńnan asa halyq turady. Yntymaǵy jarasqan aýyl turǵyndary qandaıda bir jaǵymdy is bolsa birlese atqarady. Olar osydan týra 70 kún buryn aýyl ortalyǵynan 50 oryndyq meshit soǵýdy qolǵa alǵan edi. Aýyl ardagerler keńesiniń tóraǵasy, uıymdastyrýshylyq qabileti zor, ilkimdi azamat Jolshybek Elýbaevtyń basshylyǵymen aýyl jastary jazdyń aptap ystyǵyna qaramastan eki aıdan asa ýaqyt ýaqytpen sanaspaı jumys jasady. Meshittiń qurylys materıaldaryn alýǵa aýyl turǵyndary ǵana emes, osy aýylda týyp-ósip, búginde Taraz, Almaty, Shymkent, basqa da qalalarda turyp jatqan azamattar ózderiniń úlesin qosty. Al aýyl jastary qurylys jumystaryn ózderi júrgizip, eldiń alǵysyna bólendi.

Aýyldyń ortalyq kóshesine salynǵan meshit úıi óziniń ásemdigimen erekshe kóz tartady. Ertemen Almaty qalasynan kelgen qonaqtar meshit edenine ákelgen qaly kilemderin tósep, jaryq shamdaryn (lıýstra) ilip jatty.

О́tken aptada atalǵan meshittiń ashylý saltanatyna aýyl halqy kóp jınaldy. Syrttan kelgen qonaqtarda az bolmady. Onda aldymen aýyldyq okrýgtiń ákimi Qanat Belgishov sóz alyp, aýyl halqynyń uıymshyldyǵy arqasynda soǵylyp, paıdalanýǵa berilip otyrǵan meshittiń ashylýymen quttyqtady. Sondaı-aq atalǵan meshit qurylysyn júrgizýge atsalysqan aýyl jastaryna, oǵan úles qosqan aýyl azamattaryna alǵys aıtty. Budan keıin aýdandyq máslıhattyń hatshysy Shahıkerim Isabekov, aýdandyq ardagerler keńesiniń tóraǵasy Jambyl Qalybaev, aýdandyq meshittiń ımamy Rysbaı Espenbetov, Almaty qalasynan kelgen Jaqsykeldi Ýmenov, aýyl turǵyndary Tilegen Toqsanbaev, Amankúl Balabekova, Túıebaı Serikbaev, aýyl ımamy Seıten Qarnaqbaevtar sóz sóılep, jyly lebizderin bildirdi. Aýdandyq meshittiń ımamy R.Espenbetov jańa ashylǵan meshitke quran kitabyn syılady. Al J.Elýbaev meshittiń soǵylýyna atsalysqan azamattarǵa alǵys aıtyp, endi meshitke kelýshilerdiń kóp bolýyn tiledi.

Meshittiń ashylýyna arnalǵan lenta qıylǵan bette shashý shashyldy. Aýyl turǵyndary men qonaqtar meshit ishin aralap kórip, oǵan rıza bolyp jatty.

Meshittiń ashylýyna baılanysty qudaı tamaq berilip, oǵan qatysqan azamattar oqylǵan quranǵa qol jaıdy. Aýyl turǵyndary qudaı tamaqtan soń juma namazyn oqý úshin jańa ashylǵan meshitke qaraı bet aldy.

Osylaısha ulanbeldikter rýhanı jańǵyryp ǵana qoımaı, ımanı baǵytta da kópke úlgi bolarlyq tirlik jasady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir