• USD 378.65
  • EUR 430.07
  • RUB 6
  • CNY 55.1
21 Qyrkúıek, 01:24:57
Kevın Gaston: Bul tabıǵattyń qurdymǵa ketýi degen sóz

20 Tamyz, 2019 NEWS

Arysty qalpyna keltirý jumystaryn aıaqtaý taǵy shegerildi

Qurylys-jóndeý jumystary 1 qyrkúıekte bitedi dep kútilýde.

Arystaǵy apatta búlingen 7613 úıdiń 7166-sy jóndelip jatyr. 447 úı qaıta salynýda. Túrkistan oblystyq ákimshiliginiń dereginshe, 7 myńnan astam úıdiń jóndeý jumysy, 23 úıdiń qurylysy tolyq bitken, dep habarlaıdy Qamshy.kz aqparat agenttigi.

Atyraý, Jambyl, Qyzylorda, Túrkistan, Shyǵys Qazaqstan, Qostanaı jáne Aqmola oblystary óz sektorlaryndaǵy jóndeý jumystaryn aıaqtady. Qaıta qalpyna keltirýmen aınalysqan Qaraǵandy, Soltústik Qazaqstan oblystary da jumysty támámdaǵan.

О́ńir basshysy О́mirzaq Shúkeev ákimdiktegi jıynda qurylys jumystaryn jedeldetýdi, 1 qyrkúıekke deıin aıaqtaýdy tapsyrdy.

Búginde 62 áleýmettik nysannyń 56-sy tapsyrylǵan. Qyrkúıek aıynda Aqymbaev, Qonaev syndy ortalyq kóshelerdegi jáne Kóktem yqshamaýdanyndaǵy jumystar tolyq bitedi dep kútilýde.

Eskerte ketelik, qalany qalpyna keltirý jumystarynyń aıaqtalý merzimi osymen úshinshi márte shegerildi. Buryn 1 tamyzǵa deıin, odan keıin 20 tamyzǵa deıin aıaqtalýy tapsyrylǵan bolatyn.

Ilmek sózder: Arys qurylys

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir