• USD 378.65
  • EUR 430.07
  • RUB 6
  • CNY 55.1
17 Qyrkúıek, 13:25:10
Qazaqstanda másele sheshilý úshin aldymen adam ólýi kerek

20 Tamyz, 2019 Saıasat

Nandy jerge tastaǵan Sara apaı eldiń aldynda  uıatqa qaldy (vıdeo)

Nannan eshkim úlken emes qoı

Izraıl premeri Bınıamın Netanıahýdiń Ýkraınaǵa  resmı sapary bastaldy. Alaıda Kıev áýejaıynda nan men tuzben qarsy alǵan  ýkraındyqtardyń  aldynda Izraıl premeriniń zaıyby uıatqa qaldy dep jazady Qamshy.kz aqparat agenttigi. 

Ushaq tarapynan túsken premer men onyń zaıybyn ýkraındyq úsh qyz nan men tuzben qarsy aldy. Premer-mınıstr ádettegideı nannan aýyz tıip, onyń bir bóligin áıeli Saraǵa usyndy. Alaıda nege ekenin belgisiz, Sara apaı nannan aýyz tııýdiń ornyna ony jerge tastaı saldy. Bul áreket qazir ýkraın baspasózde úlken qoǵamdyq pikir týǵyzyp jatyr.

«Bul ýkraın halqyn syılamaǵandyq!». «Nandy jemese de, aýyz tımeı jyly jymıyp qoıa salýǵa bolatyn edi ǵoı. Tárbıesiz!». «Sóge jamandamańyzdar, ol qolyna bergen nanyń bir bóligin baıqamaı túsirip aldy». «Eger meni basqa elde osylaı qarsy alsa, qurmetpen nandy jer edim». Áleýmettik jeliden Izraıl premeriniń zaıyby Sara apaıǵa qatysty jurtshylyq osylaı pikir bildirýde.

Al nandy jerge tastaǵan Saranyń áreketine ızraıldyq BAQ ne dep jatyr?

«Sara hanym ushaqta kóńilsiz otyrdy. О́ıtkeni áýe ushaǵynyń komandıri ony durys qarsy almaǵan jáne ushaqtyń ushqyshtar otyratyn kabınasyna kirgizbeı qoıǵan. Osyǵan baılanysty onyń kóńil kúıi bolǵan joq» deıdi.

Al Izraıl premer-mınıstri Bınıamın Netanıahý bolsa, zaıyby Saranyń bul áreketin aqtap álek.

–Ol ýkraın halqyn qurmettegendikten elge sary tústi kıimmen keldi. Bul – Ýkraınanyń ulttyq týy men kıiminiń túsi. Sizder qandaı qurmetke bolsa da, laıyqsyzdyr. Izraılge Japonııa premer-mınıstri kelgende osyndaı oqıǵa oryn alǵan.  Ol kezde de qonaqtyń tarelkesine salynǵan tamaq týflı tárizdi bezendirilip, ol da qoǵamdyq pikir týǵyzǵan. Sol sekildi bizdiń de áreketimiz álemniń nazaryn aýdartqan sııaqty», – dedi el aldynda aqtalǵan premer-mınıstr.

Biraq nannan eshkim úlken emes qoı. Qalaı aıtqanda da Sara apaıdyń bul áreketi evreılerdi uıatqa qaldyrǵan jaıy bar.  

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir