Memqyzmetkerlerdiń jemqorlyq áreketi úshin birinshi basshy qyzmetinen bosatylady

Memleket basshysy Sybaılas jemqorlyqqa qarsy is-qımyl agenttiginiń tóraǵasy Alık Shpekbaevty qabyldady, – dep habarlaıdy Qamshy.kz aqparat agenttigi.

Qasym-Jomart Toqaevqa Sybaılas jemqorlyqqa qarsy is-qımyl agenttiginiń bıylǵy 7 aıdaǵy jumystarynyń negizgi nátıjeleri men vedomstvony qaıta qurý sharalaryn uıymdastyrý týraly baıandaldy.

Alık Shpekbaev Prezıdentke Agenttik qurylymynda jańadan qurylǵan 5 departament:
aldyn alý, parasattylyq, seriktestik, kvazımemlekettik sektordaǵy, quqyq qorǵaý jáne sot organdaryndaǵy sybaılas jemqorlyqqa qatysty quqyq buzýshylyqtardy anyqtaý jáne tergeý departamentteriniń jańadan qurylǵany jóninde málimet berdi.

Kezdesý sońynda Memleket basshysy sybaılas jemqorlyqqa qarsy is-qımyl jónindegi keńes barysynda berilgen tapsyrmalardy júzege asyrý úshin zańnamalyq jáne uıymdastyrý sharalaryn ýaqtyly qabyldaý qajettigin atap ótti. Sonyń ishinde, Qasym-Jomart Toqaev qaramaǵyndaǵy qyzmetkerlerdiń jemqorlyq áreketi úshin memlekettik organdardyń birinshi basshylaryn qyzmetinen bosatý ınstıtýtyn engizý, sybaılas jemqorlyqqa qarsy normatıvtik-quqyqtyq aktilerdi saraptamadan ótkizýdi qaıta qalpyna keltirý, memlekettik qyzmetshilerdiń zańsyz baıýy, kiris jáne shyǵys deklarasııalaryn jarııalaý jaýapkershiligi jónindegi sharalardyń mańyzdylyǵyna nazar aýdardy.