• USD 378.65
  • EUR 430.07
  • RUB 6
  • CNY 55.1
23 Qyrkúıek, 07:37:49
Kekilbaevqa arnalǵan kesh

19 Tamyz, 2019 NEWS

Shyǵys Qazaqstandaǵy atqarylǵan jumystar joǵary baǵalandy

Jumys toby Shyǵys Qazaqstandaǵy «Baqytty otbasy» jol kartasy jobasynyń júzege asyrylý barysymen tanysty.

Shyǵys Qazaqstan oblysyna QR Prezıdent ákimshiliginiń janynan qurylǵan jumys toby kelip, «Nur Otan partııasy» janyndaǵy balalardyń quqyqtary men zańdy múddelerin qorǵaýdy qamtamasyz etý júıesi, usynystardy zerdeleý men jınaý máselelerin talqylady, – dep jazady Qamshy.kz aqparat agenttigi.

Jumys toby Shyǵys Qazaqstandaǵy «Baqytty otbasy» jol kartasy jobasynyń júzege asyrylý barysymen tanysty. Sondaı-aq aımaqtyq deńgeıde balalardyń quqyqtary men bostandyqtaryn qamtamasyz etetin vedomstvolardyń qyzmetterine baǵalaryn berdi. Bul jumys tobynyń quramynda «Nur Otan partııasy» janyndaǵy balalar quqyǵyn qorǵaý jónindegi sarapshylar ǵana emes, Bilim jáne ǵylym, Densaýlyq saqtaý, Ishki ister, Aqparat jáne qoǵamdyq damý, Mádenıet jáne sport mınıstrlikteri men qoǵamdyq birlestikterdiń ókilderi boldy.

Jol kartasynda otbasynyń qarjylyq jaǵdaıyn jaqsartý, balalar úshin qaýipsiz ortany qalyptastyrý, Jumyspen qamtý jáne qosymsha bilim berýdi qamtamasyz etý jáne kámeletke tolmaǵandarǵa qatysty zorlyq-zombylyqty anyqtaý jáne aldyn alýǵa tıisti ýchaskelik qyzmetterdi, ýchaskelik ınspektorlardy, dárigerler men mektep psıhologtaryn vedomstvoaralyq úılestirý boıynsha 70-ten astam shara ótkizilgen.

ShQO

Atalmysh jumys toby qatysqan jıynnyń ashylý saltanatynda Shyǵys Qazaqstan oblysy ákiminiń orynbasary Ásem Núsipova búginde óńirimizde 1,4 mıllıon adam turyp jatqanyn atap ótti. Onyń ishinde 361 myń balalar. Sondaı-aq Ásem Núsipova oblysta 17 851 otbasyǵa ataýly áleýmettik kómek taǵaıyndalǵanyn jetkizdi. Sonyń ishinde 52 376 bala bar.

Oblystyq bilim basqarmasynyń basshysy Saırangúl Jumadilova óńirdegi «Baqytty otbasy» jobasy aıasynda atqarylyp jatqan jumystar legimen tanystyrdy. О́ńirde 15 myńnan astam erekshe bilim alýdy qajet etetin oqýshy bar. Bul maqsatta alty psıhologııalyq, medısınalyq jáne pedagogıkalyq keńes berý ortalyqtary qurylǵan. Budan bólek 13 psıhologııalyq-pedagogıkalyq túzeý kabıneti, 18 arnaıy bilim berý uıymy, 89 logopýnkt pen mektepke deıingi bilim beretin arnaıy top qurylǵan.

Al ınklıýzıvti bilim berý baǵdarlamasyn damytý maqsatynda 2020 jylǵa deıin 1200 pedagog arnaıy kýrstan ótedi. 495 mekteptiń materıaldyq-tehnıkalyq bazasy nyǵaıtylady. Sondaı-aq 38 mektep osy toptaǵy balalardyń yńǵaıyna qaraı jasaqtalady.

Qazir Semeıde psıhologııalyq-pedagogıkalyq túzeý kabıneti ashyldy. Budan bólek aǵymdaǵy jyldyń qyrkúıek aıynda Shemonaıha, Aıagóz, Aqsýat pen О́skemende dál osyndaı kabınetter qoldanysqa beriledi. Jalpy bilim beretin mektepterde jumys isteıtin 500 muǵalimniń 224-i 2019 jyly ınklıýzıvti synyptarǵa sabaq berý maqsatynda arnaıy kýrstan ótken. Budan bólek kózi kórmeıtin balalarǵa arnalǵan 2 resýrstyq synyp ashyldy.

Qazir ınklıýzıvti bilim berý maqsatynda 66 balabaqsha paıdalanýǵa berildi. Sondaı-aq 389 jalpy bilim beretin mektepte dál osyndaı balalarǵa oqýǵa barlyq jaǵdaı jasalǵan. Sonymen qatar aımaqtaǵy 26 kolledjde erekshe bilimdi qajet etetin balalar bilim alýda. Al 2020 jylǵa deıin ınklıýzıvti bilim berý jaǵdaıyn maqsatynda mektepterdiń 75 paıyzy qaıta jasaqtalyp, onda balalardyń 56 paıyzy oqıtyn bolady. Budan bólek óńirde otbasylardy nyǵaıtý men áleýmettik jetimdikti damytý maqsatynda qolǵa alynǵan joba aıasynda jetimder úıiniń tárbıelenýshiler 31 paıyzǵa (820 adamǵa) azaıǵan. Nátıjesinde 2 balalar úıi jabylyp, 2 erekshe kútimdi qajet etetin balalarǵa arnalǵan mektep-ınternaty ashyldy.

Oblystaǵy mektepterde 188 myńnan astam bala tegin ystyq tamaqpen qamtamasyz etilgen. Onyń ishinde áleýmettik jaǵynan az qamtylǵan jáne kópbalaly otbasylardan shyqqan balalar da bar. Sondaı-aq oblys ákiminiń bastamasymen arnaıy baǵdarlama ázirlenip, áleýmettik jaǵynan az qamtylǵan jáne kópbalaly otbasylardan shyqqan balalar qoldaý kórsetilýde. Atalmysh baǵdarlama aıasynda balalar mektepke deıingi bilim berý mekemelerinde tegin oqıdy. Sondaı-aq tegin mektep formasymen qamtamasyz etilgen. Budan bólek áleýmettik jaǵynan az qamtylǵan jáne kópbalaly otbasylardan shyqqan balalar tehnıkalyq jáne kásiptik bilim berý mekemeleri men joǵary oqý oryndarynda bilim alýy úshin arnaıy granttar qarastyrylǵan.

О́ńirde kámelettik jasqa tolmaǵan balalar arasyndaǵy sýısıdke barý máselesi óte aktýaldy. Atalmysh jaǵdaıdy jaqsartý úshin qalalar men aýdandarda mobıldi toptar quryldy. Bul aýdan men qala ákimderi orynbasarlarynyń baqylaýymen jumys isteýde. Mobıldi toptyń músheleri sýısıdtiń ne sebepten oryn alǵanyn anyqtap, profılaktıkalyq sharalar júrgizedi. Sondaı-aq olar kámelettik jasqa tolmaǵan balalar arasyndaǵy zorlyq-zombylyqtyń aldyn alý maqsatynda jumys isteıdi.

«Baqytty otbasy» partııalyq jobasy aıasynda bilim berý mekemelerinde 1 qyrkúıektan bastap «Sanaly túrde ata-ana ataný» atty kýrs ashý josparlanyp otyr. Jıyn barysynda Ásem Núsipova QR Eńbek jáne áleýmettik qorǵaý mınıstrligine Semeı ıadrolyq polıgoanyn saldarynan zardap shekken balalarǵa arnalǵan ońaltý ortalyǵynyń qurylysyn qarjylandyrý máselesin sheshý maqsatynda bıýdjettik ótinish jibergenin atap aıtty.

Densaýlyq saqtaý salasynda úsh jyldyq keshendi jospar jasalǵan. Nátıjesinde bul salada ilgerileýshilik baıqalǵan. Ana men bala densaýlyǵyn jaqsartý maqsatynda 3,5 mlrd teńge jumsalyp, arnaıy dıagnostıka men dýaldy ota jasaýǵa múmkindik beretin kompıýterlik tomografııa satyp alyndy. Sondaı-aq shala týylǵan sábılerge arnalǵan apparat qoldanysqa berildi. Oblystyq densaýlyq saqtaý basqarmasy basshysynyń orynbasary Raıfa Safıollınovanyń aıtýynsha, bala ólimi 12 paıyzǵa azaıǵan. Sondaı-aq áleýmettik qyzmetkerler, bas dárigerler men bas dárigerlerdiń orynbasarlary 5 jasqa deıingi bala tárbıelenip jatqan otbasylarmen baılanys ornatqan. Nátıjesinde ótken jylǵy kórsetkishpen salystyrǵanda otbasylardaǵy qaıǵyly oqıǵalardyń sany azaıǵan.

Sarapshylar Shyǵys Qazaqstandaǵy úsh qala men alty aýdandy aralaıdy. Qazir «Nur Otan» partııasy janyndaǵy balalardy qorǵaý jónindegi Keńestiń múshesi, konsýltant Rysty Jumabekova Shyǵys Qazaqstanda atqarylyp jatqan «Baqytty otbasy» jol kartasyna oń baǵasyn berdi.

Aıta keteıik, aımaq basshylyǵy qazirgi ýaqytta ana men bala quqyǵyn qorǵaý basqarmasyn ashý máselesin qarastyrýda. Bul óz kezeginde otbasy men bala arasyndaǵy qarym-qatynasty zańmen qorǵaýǵa múmkindik beredi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir