• USD 378.65
  • EUR 430.07
  • RUB 6
  • CNY 55.1
18 Qyrkúıek, 07:54:12
Aýyl sharýashylyǵy mınıstrliginiń nazaryna! «Jem shóptiń baǵasy kúıip tur, qamshyńa jazshy», – deıdi ákem

19 Tamyz, 2019 Aımaqtar

Jambyl oblysy qarapaıym zattar ekonomıkasyna qaryshtap qadam basty

Prezıdent Qysym-Jomart Toqaevtyń el damýynyń negizgi on baǵytyn aıqyndap bergeni belgili. Sonyń biregeıi - qarapaıym zattar ekonomıkasyn damytý. Al Jambyl oblysy osy pılottyq jobany júzege asyratyn aımaq retinde tańdalynyp alynǵanynan da buqara habardar. Jáne Jambyl oblysynyń ákimi Asqar Myrzahmetov jobany jurtqa jiti túsindirý úshin tynymsyz eńbek etip jatyr. Sonyń arqasynda «Qarapaıym zattar ekonomıkasy» jumys aıasynda óńirde qarjylyq qoldaýdy talap etetin jobalardy qarjylandyrý maqsatynda T.Rysqulov aýdany ákimdiginiń kásipkerlik jáne ónerkásip bólimi, «Atameken» aýdandyq kásipkerler palatasy jáne aýdandyq jobalyq basqarý jáne sıfrlandyrý ortalyǵymen birlesip, ár aýyldyq okrýgke bekitilgen keste boıynsha kásipkerlermen kezdesip, túsindirme jumystary júrgizilýde

Nátıjesinde atalǵan baǵdarlamaǵa aýdan boıynsha tikeleı qyzmet túrine sáıkes keletin 543 kásipker anyqtalyp, solardyń barlyǵyna telefon arqyly, kezdesý arqyly túsindirme jumystary júrgizildi. Búgingi tańda qarapaıym zattar ekonomıkasy boıynsha Respýblıkadan 600 mlrd. teńge kólemindegi 15 paıyzdyq jyldyq ústemaqymen bólingen nesıe Úkimet tarapynan 7 paıyzy qarjylandyrylyp, qarapaıym kásipkerge 8 paıyzdyq jyldyq ústemaqymen ekinshi deńgeıli bankter arqyly beriledi. Qarapaıym zattar ekonomıkasy boıynsha beriletin jeńildetilgen nesıe boıynsha, T.Rysqulov aýdany boıynsha 23 kásipker 147 000 000 teńge kóleminde nesıe alýǵa usynys bildirdi.

Isin jańa bastaǵan kásipkerlerge, áıelderge, múgedekterge jáne 50 jastan asqan adamdarǵa «Bıznestiń jol kartasy-2020» bıznesti qoldaý men damytýdyń Memlekettik baǵdarlamasy sheńberinde (óz bıznesin qurýǵa) memlekettik granttar berý naqtyraq aıtqanda qaıtarymsyz 3 mln.teńgege deıin qarajat alýǵa múmkindikter bar. Osy baǵdarlama boıynsha aýdan aýmaǵynan 3 joba ótkizildi. Olar- «Zeınep» JK, «Nurbaqyt» JK jáne «Tazalyq» JK.

29 jasqa deıingi jas kásipkerlerge «Bıznestiń jol kartasy - 2020» bıznesti qoldaý men damytýdyń Memlekettik baǵdarlamasy sheńberinde memlekettik granttar berý - qaıtarymsyz 3 mln.teńgege deıin qarajat alýǵa múmkindikteri bar. 2019 j. 16 mamyr-24 maýsym aralyǵynda aýdandyq kásipkerlik jáne ónerkásip bólimine 26 jas kásipkerdiń bıznes-josparlary qabyldanyp, qujattary oblys ákimdiginiń kásipkerlik jáne ındýstrıaldy-ınnovasııalyq damytý basqarmasyna tapsyryldy.

Osylaısha aýdan qarapaıym zattar ekonomıkasyn damytýǵa qaryshty qadam jasap otyr. Endi tek josparly jumysty dittegen mejesine jetkizip, jumystyń júıesin tabý. Sonda ǵana bolashaǵymyz baıandy, keleshegimiz kemeldi bolatyndyǵy haq.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir