Jambylda alyp jobalar júzege asyp jatyr

Investısııa el ıgiligine jumsalýy qajet. Bul búginde memleketimizdiń ustanǵan urandarynyń biri. Sondyqtan ákim qaralar syrttan qarjy tartýǵa barynsha kúsh salýda. Máselen T.Rysqulov aýdany aýmaǵynda ındýstrııaldy-ınnovasııalyq damytý baǵdarlamasy nátıjeli iske asyrylýda dep jazady Qamshy.kz aqparat agenttigi. 

2019 -2021 jyldary «Indýstrııalandyrý kartasyna» nemese «О́ńirler kásipkerligin qoldaý kartasyna» áleýetti jobalar iske asyrýǵa usynylatyn jobalar: «Agropark Qulan» ıntensıvti baq jobasy, Qulan aýylynda ornalasqan 2017 jyly jumysyn bastady. Jer kólemi- 528 ga. Jobanyń jalpy quny 16,5 mlrd. teńgeni quraıdy. Jyldyq qýattylyǵy ortasha eseppen 1900 tonnaǵa deıin ónim beriledi dep josparlanyp, turaqty 300 adam jumys jasaýǵa arnalǵan joba 2020-2021 jyldary iske qosylady.

Qulan aýylynda ornalasqan «Shalqar» sharýa qojalyǵy 2017 jyldan bastap 1500 bas iri qara malǵa arnap uzyndyǵy 100 metrlik, eni 20 metrlik 4 bazdyń qurylys jumystaryn júrgizýde. Qurylys jumystary 2019 jyldyń ekinshi jartysynda aıaqtalady. Jyldyq qýattylyǵy 900 tonnaǵa deıin et ótkizip, 30-35 adamǵa turaqty jumys orny ashylady dep josparlanýda.

«BioEnergia» JShS bıogazdyq qurylymdaǵy 4,95 MVt elektrostansııasy 2020 jyly iske qosylady. Joba quny 6 mlrd. 4 mln. teńgeni quraıdy. Joba iske asqan ýaqytta ortasha eseppen 60 oryndyq jumys orny ashylady dep josparlanýda. Ornalasqan jeri-Qulan aýyly;

Aýdanǵa áleýetti ınvestorlar tartý úshin aýylsharýashylyq ónimderin óndiretin, qaıta óndep saqtaıtyn keshender jelisin damytý úshin basqa da tıimdi jobalar boıynsha aýdan ákiminiń jeke saıty, basqa da aqparattyq jeliler arqyly kásipkerlerge, ınvestorlarǵa usynystar berilýde.

T.Rysqulov aýdany ákimdiginiń kásipkerlik jáne ónerkásip bólimi memlekettik baǵdarlamalar boıynsha aýdan kásipkerlerine tolyq málimetterdi jetkizip, II-deńgeıli bankterge, ár túrli qorlarǵa súıemeldeý jumystaryn júrgizip keledi.

«BIZNESTIŃ JOL KARTASY -2020» baǵdarlamasy Qazaqstan Respýblıkasy Úkimetiniń 2010 jylǵy 13 sáýirdegi №301 qaýlysymen bekitilgen. Baǵdarlamanyń maqsaty: Ekonomıkanyń shıkizat emes sektorlarynda óńirlik kásipkerliktiń ornyqty jáne teńgerimdi ósýin qamtamasyz etý, sondaı-aq qazirgi turaqty jumys oryndaryn saqtap qalý jáne jańalaryn qurý.

«BIZNESTIŃ JOL KARTASY -2020» baǵdarlamasy boıynsha 2017-2018 jyldary aýdan aýmaǵynda nesıe alǵan 7 kásipker 147,2 mln.teńgege óz kásipterin damytýda. Bul jumys aýdan aýmaǵynda óz jalǵasyn taýyp, shaǵyn jáne orta kásipkerlik sýbektileri óz qyzmetteri men jumystaryn jandandyrýda.