Jambylda jylý máselesi durys jolǵa qoıylǵan

Qyryq qatpar tirlikti qybyn tapqan biledi. Sondyqtan aýyldyq jerlerde usaq-túıek máselelerge deıin buqaranyń janyna batyp jatatyny bar. Sondyqtan jergilikti bılik jurttyń ótinishi men tileýin eshqashan eskerýsiz qaldyrǵan emes. Bul jaıynda Memleket basshysy Qasym-Jomart Toqaev ta basa aıtyp, elmen etene jaqyn bolýǵa shaqyryp keledi. Osynyń bir úlgisi retinde T.Rysqulov aýdanynda kóptiń kókeıindegi máselelerge kóńil bólinýde dep jazady Qamshy.kz aqparat agenttigi. 

Máselen otyn-energetıka kesheni nysandarynyń 2019-2020 jyldardaǵy jylý berý maýsymyna daıyndyǵy-búgingi kúnniń ózekti máselesine aınalǵan. Aýdan aýmaǵyndaǵy otyn-energetıka kesheni nysandaryn 2019-2020 jyldardaǵy jylý berý maýsymyn sapaly ótkerý maqsatynda aýdan ákimdiginiń 2019 jylǵy 31 mamyrdaǵy №186 qaýlysyna sáıkes otyn-energetıka kesheni nysandaryn jańa jylý maýsymyna daıyndaý is-sharalar jospary, komıssııa quramy bekitilgen.

Aýdan aýmaǵynda 152 áleýmettik nysandardyń 49-y gazben, 101-i kómirmen, 1-i suıyq otynmen, 1-i mazýtpen jylytylady.Bilim mekemeleriniń qazandyqtarynyń 77% tıptik otqazandyq, 23% shaǵyn otqazandyq, 42,5% gazdandyrylǵan. Mádenıet salasy nysandarynyń 5,3 % tıptik, 94,7 % shaǵyn otqazandyq, 12,3 % gazdandyrylǵan. Densaýlyq saqtaý salasy mekemeleriniń 9,5% tıptik, 90,5% shaǵyn otqazandyqty, gazdandyrylǵany 40% quraıdy.

Aldyn ala jospar boıynsha aýdandyq bıýdjettik mekemelerge qajetti shamamen 7306 tonna kómir satyp alý josparlanýda. Turǵyndarǵa qajetti kómir -11500 tonna

2019 jyly jalpy abattandyrý jáne sanıtarlyq tazalyq jumystaryna 43,111 mln.teńge qarastyrylyp, onyń ishinde: 30,111 mln.teńge abattandyrý-kógaldandyrý jumystaryna, al 13,000 mln. teńge sanıtarlyq tazalyq jumystaryna bólingen.

Kóktemgi eki aılyqta barlyǵy egiletin tal-terek jospary 950 dana, gúlzarlar ornalastyrý jospary 1600m2, kógal ornalastyrý jospary 2710m2, aryq jáne kanaldar tazalaý jospary 35 shq, kóshelerdi tazalaý 245 shq, saıabaqtardy, skverlerdi tazalaý jáne kóriktendirý 1400, kezdeısoq kúl-qoqys oryndaryn tazalaý 225 tonna tolyǵymen oryndaldy.

T.Rysqulov aýdany boıynsha turmystyq qaldyqtardy polıgondarǵa tasymaldaý jumystaryn «Tazalyq» JK aýyl turǵyndarymen kelisim-shart jasap, aıyna jeke tulǵalarǵa 400 teńgeden, zańdy tulǵalarǵa 1000 teńgeden, jalǵyz bastylarǵa 200 teńgeden jáne 1-2 toptaǵy múgedekterge tegin. Aıyna bir úıden 16 múshek qaldyqtar shyǵarady jáne okrýg ákimshilikterimen kelisim-shartqa turyp tıisti jumystar atqarady. 2018 jyly Aýdan halqyna qaldyqtardy jınaý jáne tasymaldaý boıynsha kórsetilgen qyzmettermen qamtý úlesi 92% boldy. 2019 jyly bul kórsetkish 93% qamtý josparlanýda. Qatty qaldyqtardy tasymaldaý boıynsha «Tazalyq» JK-de 2 zıl,1 traktor, 1 kran qyzmet etedi. Qosymsha aýdanǵa «Taza sý-2014» mekemesinde 4 traktor tirkemesimen 2017 jyly alynǵan, tıisti jumystar atqarady.

Bul árıne qaısibir janǵa usaq-túıek tirlik bolyp kóringenimen, qyryq qatpar tirliktiń qybyn tapqan ǵana biletinin umytpaǵan jón.