• USD 378.65
  • EUR 430.07
  • RUB 6
  • CNY 55.1
24 Qyrkúıek, 00:29:46
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

19 Tamyz, 2019 Aımaqtar

Jambyldyq jastarǵa barynsha qoldaý kórsetilip jatyr

Bıyl Jastar jyly. Sondyqtan búgingi býyndy qoldaýǵa baǵyttalǵan memlekettik baǵdarlamalar az emes. Onyń sharapatyn qalalyq ǵana emes, shalǵaı aýyldardaǵy jastar da kórýde. Sonyń bir dáleli búgingi kúni Shý aýdanynyń jalpy turǵyndar sany 100 516 adam bolsa, onyń 22 221-i jastar retinde barlyq jeńildikterge qol jetkizýdedep jazady Qamshy.kz aqparat agenttigi. Jastardy aýdannyń qoǵamdyq, abattandyrý-kógaldandyrý jumystaryna tartý maqsatynda aǵymdaǵy jyly «Jasyl el» eńbek jasaqtary Tóle bı aýylyndaǵy («Jastar alleıasy», M.Júnisalıev saıabaǵy, Soǵys ardagerleriniń úıi men Sádýaqas, Túrkisib jáne Qarabas aryqtaryn qoqystan, qumdy bógetterden tazalaý) jáne Shý qalasyndaǵy («Jeńis», Temirjolshylar saıabaǵyn qoqystardan, aram shópterden aryltý, taldardy balaqtaý jáne t.b) jumystaryn júrgizdi. Atalǵan baǵdarlamaǵa 4 mln. 177 myń teńge bólinip (ár jastyń aılyq jalaqysy 42 500 teńge), 80 jas jumyspen qamtyldy. Jumystar aǵymdaǵy jyldyń 1 sáýiri men 1 maýsym kúnderi aralyǵynda (eki top, 1 topta 40 jastan) júrgizildi. 2018 jyly baǵdarlama aıasynda 75 jas, 2 mln. 922 myń teńge (ár jastyń aılyq jalaqysy 30955 teńge) bólingen.

«Dıplommen aýylǵa» baǵdarlamasy aıasynda áleýmettik sala mamandaryn jumyspen qamtyp, aýylǵa turaqtandyrý maqsatynda 2019 jyly 36 maman áleýmettik kómek alsa, 27 mamanǵa bıýdjettik nesıe berilgen, kezekte turǵandar sany áleýmettik kómekke 142 maman, bıýdjettik nesıe alýǵa 85 maman. Jalpy 2009 jyldan búgingi kúnge deıin baǵdarlama aıasynda 462 maman kelip jumysqa ornalasty jáne 234 mamanǵa bıýdjettik nesıe berildi. 2009 – 2018 jyldar aralyǵynda bıýdjettik nesıe ıaǵnı turǵyn úı satyp alǵan mamandardyń búgingi kúnge kelisim shartty buzǵandary joq.

Aýdanda memlekettik jastar saıasatyn iske asyrý maqsatynda aýdandyq bıýdjetten 2018 jyly qarjylandyrý kólemi 55 mln. 592 myń teńgeni (onyń ishinde is-sharaǵa – 5 mln 966 myń teńge) qurasa, 2019 jylǵa 60 mln. 609 myń teńge (onyń ishinde is-sharaǵa – 15 mln teńge) bólindi.

«Zhas Projest» Jastar korpýsyn damytý jobasy aıasynda Shý aýdanynan 64 joba usynylyp, 25 joba grantqa ıe bolǵan. Jobaǵa qatysýshylarǵa 40 myńnan, 60 myń teńgege deıingi mólsherde 6 aıǵa shákirtaqy taǵaıyndalǵan. 2019 jyldyń 3 aqpan kúnimen atalǵan joba grant ıegerleri 6 aı atqarǵan jumystarynyń esebin tapsyryp, jumystaryn aıaqtady.

«QAMQOR» volonterlik - qaıyrymdylyq jobasy aıasynda aýdandaǵy 23011 otbasyn aralaý arqyly derekqor qalyptastyrýǵa 266 volonter, 127 top (Jospar boıynsha 200 volonter 100 top) tartylyp, Shý qalasy men eldi mekenderdegi 22670 úı aralanyp, 8740 saýalnama toltyrylǵan, onyń 5050 saýalnamasy bazaǵa engizilip, 30301 adamnyń turmystyq jaǵdaıy zerdelendi.

Sondaı-aq, aýdan ákimdigi men «Jastar resýrstyq ortalyǵy» uıytqy bolýymen Shý qalasy, ortalyq bazardaǵy «Dostyq» úıiniń ekinshi qabatynan «Qamqor» atty áleýmettik dúken ashyldy.

Jambyl oblysy ákimdiginiń kásipkerlik jáne ındýstrıaldy-ınnovasııalyq damytý basqarmasy 29 jasqa deıingi jas kásipkerlerge «Bıznestiń jol kartasy - 2020» bıznesti qoldaý men damytýdyń Memlekettik baǵdarlamasy sheńberinde memlekettik granttar berý boıynsha konkýrs jarııalaǵan bolatyn. Atalǵan konkýrsqa Shý aýdanynan 31 joba usynylyp, joba qatysýshylary konkýrstyń nátıjesin kútýde.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir