Jambylda aýyl turǵyndary aýyz sýdyń rahatyn kórip jatyr

Ult kóshbasshysy Nursultan Nazarbaev «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynda eń aldymen áleýmettiń áleýetin kóterý qajettigin basa aıtty. Al qara halyqtyń qamyna baǵyttalǵan jobalar Jambyl oblysynda az emes. Sonyń biregeıi aýyldardy aýyzsýmen qamtýǵa baǵyttalǵan «Aqbulaq» jáne «Aýyzsý» bastamasy. «Aýyl – el besigi» memlekettik baǵdarlamasy boıyna jandanǵan jobalardyń bir legi T.Rysqulov aýdanynda baǵdaryn taýyp jatyr.

Máselen 64512 adam turatyn T.Rysqulov aýdanynda 43 aýyldyq eldi mekenniń 26 (60,4%) aýylynda aýyzsý júıesi bar (55029 adam nemese 85,3%)) jáne 17 (39,6%) aýyl turǵyndary qudyqtan jáne unǵymadan (artezıan) (9483 adam nemese 14,7%) sý alady. 2007 jyldan beri 17 eldi mekende (45727 adam nemese 70,9%) «Aýyz sý» jáne «Aqbulaq» baǵdarlamalary aıasynda jańa aýyz sý júıeleri qurylysy júrgizilip, paıdalanýǵa berilgen.Atalǵan aýyzsý júıelerine «Taza sý-2014»mekemesi qyzmet kórsetedi, tutynýshylar sany 34588 adam, ıaǵnı 6161 aýla, tutynýshylar esepteý aspaptarymen qamtamasyz etilgen.Ortalyqtandyrylǵan aýyzsý júrgizilgen eldi mekenderine qarasty aýyldarda aýyzsý júıesine qosylmaǵan turǵyn úılerdi qosý jumystaryn júrgizý úshin is-sharalar jospary bekitilip, 5 eldi meken boıynsha 1031 aýlada 3915 halyq sany anyqtaldy. Kestege sáıkes maýsym aıynda 250 aýla ,910 adam aýyzsý júıesine qosyldy.Lýgovoı, Aqyrtóbe, Qoraǵaty stansııasy aýyldaryna «Temirjol-sý» mekemesi qyzmet kórsetedi.

Qazirgi ýaqytta kezeń-kezeńimen eski sý júıesiniń tozyǵy jetken Báıteli, Qumaryq, Alǵabas, Tassholaq, Ábjapar, Jalpaqsaz, R.Sábdenov, Qazaq, Jańaturmys, Maldybaı, Sálimbaı, Jarlysý, Sógeti, Mamaıqaıyńdy aýyldaryna jańa aýyz sý júıesin júrgizý múmkindikterin qarastyrý úshin sý júıesi jaǵdaıy, máseleleri taǵy da tııanaqty zerdelenýde. Búgingi tańda jańa sý qubyrynyń qurylysyna Báıteli, Tassholaq, Qumaryq, Qarakemer, Jarlysý, Ábjapar, Alǵabas aýyldaryna JSQ daıyndalyp, memlekettik saraptamadan ótti. Bıýdjettik ótinim jasalynyp, qurylys jumystaryn 2020-2022 jyldary júrgizý maqsatynda qarajat suratylýda.

Sý - tirshilik kózi. Al taza aýyzsýdyń aýyl turǵyndarynyń ómirinde aıryqsha oryn alatyny belgili. Ras, keńestik kezeńnen keıin qara shańyraq aýyl basynan kóp qıyndyqty ótkerdi. Taza aýyzsý túgili, halyq aryqtaǵy aǵynsýǵa qol jetkize almady. Dese de Táýelsizdik tańynyń eń teńdessiz tartýy ortalyqtandyrylǵan aýyzsýdy tutynýdamyz.

Endi qulandyqtar da aýyzsýdy aryqtan tasyp ishpeıtin boldy.