• USD 378.65
  • EUR 430.07
  • RUB 6
  • CNY 55.1
23 Qyrkúıek, 20:12:58
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

19 Tamyz, 2019 Aımaqtar

Jambyl memlekettik baǵdarlama aıasynda qaıtarymsyz granttar berilmek

Bul grant tek jańa bıznes ıdeıalardy iske asyratyndarǵa beriledi.

Jambyl oblysynda «Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy aıasynda kópbalaly otbasylarǵa qaıtarymsyz grant berý máselesi qolǵa alynýda dep jazady Qamshy.kz aqparat agenttigi. 

Bul grant tek jańa bıznes ıdeıalardy iske asyratyndarǵa beriledi. Az qamtylǵan, kópbalaly otbasylar jańa kásipkerlikti ashýǵa nıeti bolsa, jobasyn usynyp, iskerliktiń qyr-syryn meńgeredi. Sodan soń 505 myń teńge qaıtarymsyz grantty ıelenip, nıettengen kásibin ashyp, otbasylyq bıznesin bastaýǵa múmkindigi bar.

Eger 4 nemese odan da kóp balaly, az qamtylǵan otbasy bolsa, bizdiń basqarmaǵa kelip, tıisti qujattardy tapsyrady. Bul grant tek bıznes ıdeıany júzege asyrý úshin bolǵandyqtan, joba usyný mindetti. Sodan soń «Bastaý bıznes» jobasy boıynsha 1 aıǵa deıingi kásipkerlik negizderin oqytý kýrsynda oqyp, 16759 teńge mólsherinde stıpendııamen de qamtylady. Buǵan 3 aıǵa deıin qysqa merzimdik oqýdy aıaqtaǵan azamattar jáne qonys aýdarýshylar, oralmandar qatysa alady.

Oblys aýmaǵyndaǵy qalalyq jáne barlyq aýdandyq halyqty jumyspen qamtý ortalyqtarynyń suranystaryna sáıkes bıylǵy jylǵa 940 grantqa jalpy 474,6 mıllıon teńge bólinipti.

Osy grantty alyp, jańa isin bastaýǵa nıetti azamattar halyqty jumyspen qamtý ortalyǵyna kelip, ótinish jazady. Jeke basty kýálandyratyn qujat, salyq komıtetinen zańdy tulǵany memlekettik tirkeý týraly anyqtama nemese dara kásipkerdi memlekettik tirkeý týraly habarlamanyń kóshirmesin, ázirlegen bıznes-josparyn, «Bastaý bıznes» jobasymen oqýdan ótken sertıfıkat nemese qysqa merzimdik oqý týraly kýáligin, mekenjaı nemese aýyl ákimdiginen anyqtama ótkizedi. Al oralmandar oralman kýáligin ákelýi tıis.

Aıta keteıik, bul grant tutynýshylyq maqsattarǵa, nesıe qaryzdaryn óteýge, jyljymaıtyn turǵyn úı satyp alýǵa jáne salýǵa, jer ýchaskelerin satyp alýǵa, aksızdeletin ónimderdiń óndirisine, jaldaý aqysyna berilmeıdi.

Halyq naqylynda «Ash adamǵa balyq berme, qarmaq ber» degen naqyl bar. Iаǵnı, daıyn asty emes, sony tabatyn, eńbekke jeteleıtin kásipke baǵyttaýdy meńzeıdi. Dál sol sekildi bul grant ta turaqty tabys túsiretin kásip ashyp, eńbektenýge jol ashpaq. Eger otbasylyq jaǵdaıyńyz joǵaryda aıtylǵan talaptarǵa saı kelse, múmkindikti jiberip almaı, qaıtarymsyz grantty alyp, is bastaýǵa qamdanyńyz.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir