Jambylda aýyl turǵyndary elektrondy qyzmetke ońaı qol jetkizedi

Jambyl oblysynda aýyl turǵyndarynyń memelkettik qyzmetterge qol jetkizýin jeńildetý maqsatynda júıeli jumystar júrýde. Osy maqsatta bıyl Áýlıeata óńirinde aýyldyq kitaphanalar bazasynda 119 «Sıfrlyq aqparattyq ortalyq» ashyldy dep jazady Qamshy.kz aqparat agenttigi. 

Onda arnaýly saıt arqyly aýyl turǵyndarynyń kúndelikti turmysyna qajetti bilim berý, aýyl sharýashylyǵy, sport, jumysqa ornalastyrý sekildi 13 sala boıynsha aqparattar jáne mekenjaı, zeınetaqy aýdarymdary týraly anyqtama, neke týraly ótinish, balabaqshaǵa kezek, jyljymaıtyn múlik, azamattyń sottylyǵynyń nemese sottylyǵynyń joqtyǵy týraly anyqtama alý memlekettik qyzmetterin paıdalanýǵa múmkindik jasaldy. Jyl sońyna deıin ınterneti bar barlyq aýyl okrýg kitaphanalarda osyndaı ortalyqtar ashylmaq. Sondaı-aq, «Elektrondyq arhıv» júıesi ornatyldy.

Budan bólek, aımaqta mádenıet salasyn damytý boıynsha irgeli jobalar qolǵa alynyp keledi. Atap aıtqanda, Jambyl Jabaevtyń týǵan kúnine ótken jyly bastalǵan respýblıkalyq aqyndar aıtysynyń deńgeıi kóterildi. Oǵan qosa talanttardy irikteý aýyl okrýgterinen bastalyp, aýdandardan 90 úmitker onyń ishinen úzdik dep tanylǵan 31 aqyn oblystyq kezeńge qatysty. Nátıjesinde respýblıkalyq saıysqa qatysqan 8 aqynnyń biri – jerlesimiz Qanat Myrzaxan bas júlde – avtokólik ıelendi.

Sol sııaqty, «Áýlıeata boıaýlary» atty I halyq shyǵarmashylyǵy festıvali uıymdastyryldy. Oǵan aýdandardan 300 úmitker qatysyp, 134 úmitker oblystyq kezeńge joldama aldy. Úzdik dep tanylǵan 60 sýret, 100 fotosýret jáne 15 qolóner buıymdary «Shahrıstan» etno-mádenı kesheninde jańadan ashylatyn gallereıa, kórme zalyn tolyqtyrady.

Kóptomdyq kitaptar shyǵarý baǵytynda jumystar júrgizilip, «Tarıhı tanymdylyq» baǵyty boıynsha – 15 tom, shyǵarmashylyq baǵyty boıynsha 35 tom materıaldar jınaqtaldy.

«Talas tolqyndary» atty I oblystyq mýzykalyq óner festıvali de qolǵa alyndy. Onyń aıasynda qobyzshylar konkýrsy, án konkýrsy, estrada oryndaýshylardyń konkýrsy, bı konkýrsy uıymdastyryldy.

Al, týrızm salasyna ınvestısııa tartý boıynsha 12 arnaıy týrıstik baǵyttar aıqyndalǵan is-sharalar jospary ázirlendi. Onyń 2-eýi Almaty, Jambyl jáne Túrkistan oblystary aýmaǵy arqyly ótetin «Jańa Jibek joly» ekspedısııalyq baǵyttary.

«Qaralma» taý-shańǵy bazasy jobasy júzege asyrylýda.

«Tórtkúl» kerýen saraıynda «Kóne Taraz sheberleri» jobasy qolǵa alyndy.

Taraz qalasy jáne qala aýmaǵynda ornalasqan tarıhı-mádenı eskertkishter marshrýtymen tegin «Týrıstik 2 avtobýs» iske qosyldy. Olar 5 aı boıy senbi, jeksenbi, memlekettik meıram kúnderi tegin 2 avtobýs jumys iseıdi.