Jambylda jeke turǵyn úı qurylysyna 2877 jer telimi beriledi

Bıyl Jambyl oblysynda jeke turǵyn úı qurylysyna 2877 jer telimi beriledi. Budan bólek, tek elektr qýatyn tarta otyryp 17 alqapta 3722 jer telimin berý qarastyrylyp jatyr.

«7-20-25» baǵdarlamasy aıasynda 320 adam ótinish berip, 173-i qoldaý tapty. 144 azamatqa 1 mıllıard teńgege nesıe rásimdeldi, – dep habarlaıdy «Qamshy.kz» aqparat agenttigi.

Baspanaǵa muqtaj az qamtylǵan jáne kópbalaly otbasylaryn turǵyn-úı kezegi jetkenge deıin jatahanamen qamtý úshin 8 jataqhananyń qurylysy bastaldy.

Jalpy, qurylys kólemi 12,4 paıyzǵa ósip, 226 myń sharshy metr turǵyn úı paıdalanýǵa berilip, 6,2 paıyzǵa artty. Onyń ishinde 260 páter kópbalaly jáne az qamsyzdandyrylǵan otbasylaryna berildi. Budan basqa, demeýshiler esebinen 24 otbasy turǵyn úımen qamtamasyz etildi

«Nurly jer» baǵdarlamasy aıasynda 30 kóppáterli turǵyn úıdiń qurylysy júrgizilýde, 28-i jyl sońyna deıin tapsyrylady Onyń 9-y – arendalyq úıler. 14 ınfraqurylymdyq joba iske asyrylýda.

Sondaı-aq, oblysta qurylysy 2018 jyly aıaqtalǵan kópqabatty turǵyn úılerden 380 páter satylymǵa shyǵarylyp, búgingi kúnge deıin 67 páter satylypty. Al qalǵan 313 páterdiń 66-sy Araı-2 yqshamaýdanynda, 247 páter 15-yqshamaýdanynda satylymda tur. Bul jóninde О́ńirlik kommýnıkasııalar qyzmeti alańynda ótken baspasóz máslıhatynda oblys ákimdigi qurylys basqarmasynyń basshysy Jaıyqbaı Shaldarov málimdedi.

J.Shaldarov Elbasy N.Nazarbaevtyń 2018 jylǵy 5 qazandaǵy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty joldaýynda eldi mekenderde ómir súrýge jaıly orta qalyptastyrý, sapaly ári qoljetimdiń turǵyn úı boıynsha tapsyrmalar bolǵanyn aıta kele, oblystaǵy turǵyn úı qurylysynyń qarqynyna nazar aýdardy.

– 2019 jyl qorytyndysymen 1460 páterli 21 kredıttik turǵyn úı qurylysyn aıaqtaý josparlanyp otyr. Osyǵan oraı, atalǵan 1460 páterdi boljamaly 60/40 paıyzdyq bólinisimen satýdy kózdep otyrmyz. Iаǵnı, «7-20-25» baǵdarlamasy boıynsha 584 páter satylmaq. Sondaı-aq, halyqtyń áleýmettik turǵydan álsiz toptary úshin iri qalalarda jaldamaly turǵyn úı qurylysyn kóbeıtý qajettiligi de ózekti bolyp tur. «Nurly jer» baǵdarlamasy aıasynda 2018 jylydyń qorytyndysymen 13 úı nemese 953 páter satyp alý quqynsyz jalǵa, ıaǵnı halyq ıgiligine berildi. Bul baǵytta oblysta aldaǵy ýaqytta da qurylys jumystary qolǵa alynbaq, – dedi basqarma basshysy.

Al dál qazir 658 páterli 9 úıdiń qurylysy jáne qaıta jańǵyrtý jumystary júrgizilip jatyr eken. Onyń ishinde 130 páterli 2 úıdiń qurylys jumystary 2020 jylǵa ótpeli. Qalǵan 528 páterdiń qurylysy jyl sońyna deıin aıaqtalýy tıis.