Balaly bolǵan kúnnen bastap..."ózińdi" joǵaltasyń...

...bala tapqan kúni - ózińdi joǵaltasyń... 
О́ziń degenim - ol ishki "meniń". Balaly bolmaı turyp, ishki kúızelis, izdenis, qorqynysh, qýanyshty, taǵysyn taǵy sezimderdi basý úshin adamdar izdeısiń sóılesýge, kitaptan izdeısiń jaýapty, tabıǵatqa "úńilesiń", áıteýir, bir qarbalas kúı keshýmen ómir súresiń. Áldebir jaqsy, ıa jaman oılar oılaısyń. Sonyńdy dereý qaǵazǵa túsirýge tyrysasyń. Laıyq dep, kópshilikke paıdasy tıer dep oılasań nemese óziń jaýabyn tappaǵannyń jaýabyn adamdardan suraısyń. Sol úshin kópshilik nazaryna shyǵarasyń ishki "álemińdi". Bireý maqtaıdy, bireý dattaıdy, bireý kómektesedi, bireý quzǵa ıteredi sózben. Áıteýir, sol oıdy bir jaǵyna shyǵarasyń. Jańa dúnıeler úırenýge talpynasyń. Úıretýge tyrysasyń. Bilýge qumartasyń. Keıde tipti bárinen jalyǵyp, jalǵannan baz keship ketkiń keledi. Aıdalany ańsaısyń, Adamdardan jalyǵasyń. Keshe tamsanǵan tabıǵatqa qaraǵyń kelmeı qalady. Kúnde kórip júrgen adamdar mezi qylady. Tipti taǵamdar da dámsiz bola bastaıdy. Súıikti kıimderińdi órtep jibergiń keledi. Unamdy zattaryńdy laqtyryp tastaǵyń keledi. Adam meken etpegen áldebir ýtopııalyq araldy ańsaısyń. Qysqasy, jalyǵasyń bárinen, barynan...О́zińmen-óziń kúresip, joq jerden qıyndyq kórip, ońaı istiń sheshimin taba almaı, sharq urasyń... Senen bastap barlyq adam jerde baqytsyz sııaqty kórinedi... 

Endi birde kúnniń shyqqanyna qýanyp, jeldiń samaly anańnyń alaqanyndaı tıip, tabıǵat jumaqtaı, adamdar perishtedeı kórinip, jegeniń jumaqtyń asy, kıgeniń jibekteı, óziń qustaı samǵap júresiń. Oıyńnyń bári aspanǵa jazylyp jatqandaı, adamdardyń bári baqytty sııaqty kórinip, keremet kúıge enesiń... Jan bitkenniń bári týysyńdaı, qaısybirin qushaqtaǵyń kelip, alǵys aıtqyń kelip, ishki álemińdi búkil álem kórip turǵandaı, sondaı aqkóńil, sondaı adal, sondaı sengish bolyp ketesiń... ómirim solaı ótedi eken...balaly bolǵansha... 

Balaly bolǵan soń, bári qalady... Oıyńa keledi árnárse. Qazir qaǵazǵa túsiremin dep, balańnyń kıimin jýsa salaıyn, tamaǵyn bere salaıyn dep júrgende, ol oı ushady da ketedi. Keshegideı ishki kúızelis, izdenis, arpalystyń biri de joq. Bolsa da, ony oılap, oǵan qaıǵyratyp ýaqyt ta joq. Burynǵydaı tabıǵatty tamashalap, qııalǵa berilmeısiń. Bala bir jaqta, ákesi bir jaqta, týystaryń bir jaqta... qyzyq ómir bastalyp ta ketedi eken osylaı... Durysy osy. Osylaı ishki álemińe jibermeı, jabyrqatpaı, kóńilsiz kúıge túsirmeı oıyńnyń bárin otbasyń jaýlap alǵany durys. Durys, árıne... О́mirdiń kezekti kezeńi ǵoı, ýaqytyly keletin. Áıtpese, bárimiz de qııal bolyp keter me edik, kim bilsin... Balaly bolýdyń eń bir qyzyǵy - ózińniń boıyńda bar dep oılamaǵan jasyryn jatqan qyrlaryń, syrlaryń, ónerleriń ashylady eken. Qyzyǵýshylyǵyń da ózgerip shyǵa keledi. Buryn-sońdy istep, jasap kórmegen dúnıe qolyńnan keletinin kórgende, baıqaǵanda, tań qalasyń. О́zińe tań qalasyń. Bul men be? Osyny men jasadym ba dep... qyzyq ómir - balaly ómir... 

Degenmen, saǵynamyn... Saǵynamyn... sol Maqpaldy... ishki álemimdi... qustaı ushyp ketetin oılarymnyń etegine jarmasyp qalǵym keledi... ishki "menimdi"...joǵaltyp almasam da, ózimdi umytyp ketkenim anyq... keıde bir sát tynyshtyq ornaı qalsa, ishki álemim "men de barmyn ǵoı" dep "lúp" etedi... izinen bópem "shyr" etip, ıa "mama, júl, júl" dep jetekteı jóneledi... sosyn realdy ómirdiń etegine jarmasyp, bópemdi jetektep, bópemmen birge dalada qustardyń ushqanyn, jeldiń soqqanyn, aǵashtyń sybdyryn birge qarap, estip, qalaı súısinip júrgenimdi baıqamaı da qalamyn... Balaly bolý - taǵy bir márte ómirge kelý sııaqty eken... Tátti sezim! Ystyq sezim! Mamańdy saǵyndyrtatyn ǵalamat kúshti sezim! Shyntýaıtynda, laıyqty sóz de joq-aý Allanyń bul syıyn aıtyp, jetkizer... Allaǵa shúkir. Áıelmin. Kelinmin. Anamyn. Allaǵa sansyz madaq! Búginime! Baryma! Bárine!... 

Degenmen... ishte buǵyp jatqan, ókpelep jatqan Maqpaldy da saǵynamyn... Kúte tur, sál kút, ishki álemim, men saǵan da ýaqyt tabamyn...az qaldy... 

Baqytty izdemeıik, kútpeıik... barymyzben baqytty bolaıyq, baqytty qylaıyq...tym quryǵanda, tyrysaıyq...